شيل البيت (بنات الامارات )

هل تقصدين شيل البيت الملونه اللي مثل شيل الصلاه؟؟!!
إذا هم بتحصلينهم في السوق الجديم في الشارجة وفي محلات الجلابيات ومحل الياسات للعطور بعد عنده..

هيه اقصد هذيل .... مشكوره حبيبتي بس انا من زماااااااااان ما سرت هالاماكن
تهقين حلو .. لأني اصلا ماالبس منهم بس محتايتنهم للولاده باذن الله ..

أنا خذت من عندهم حق على زهبتي..
بالذات من عند الياسات عندهم شيل حلوة..

والسوق الجديم في الشارجه بتلقين عندهم واااااااايد أشيا حلوة..

تحياتي..
والله يسهل عليج ولادتج يارب..
إذا بنت سميها وفا علي (شمعة وفا).. :)

مشكورة عالدعوة ... والله يرزقج ..... بس الياسات وين هاه؟؟؟

مرحبا أختي انا الحساس
بتحصلين هالشيل عند شيتل في مركز ليوا في بوظبي
وعند معرض أيوب قريب من سوق مدينة زايد في بوظبي
ويمكن بعد تحصلينهم داخل سوق مدينة زايد...
وعندج بعد كم محل بنفس مبنى جمعية المشرف من على الجنب في ابوظبي

وحياج
والله يسهل عليج الولادة وتيبيين بيبي أحلى من القمر