@اميرة الذوق@ :

المصممه ندى الله يوفقك ويسعدك على هالمعلومات القيمه طيب يابنات اللي تعرف افضل عياده او مركز لليزر في الرياض تقولنا عليه مع اسم الدكتوره اللي فيه

المصممه ندى الله يوفقك ويسعدك على هالمعلومات القيمه طيب يابنات اللي تعرف افضل عياده او مركز...

المصممة ندى :

مرحبا حبوبه بالنسبه لليزر بالعكس مره كويس ولا له اي آثار جانبيه اذا اتبعتي التعليمات والارشادات بالنسبه لليزر انا مجربه في مستشفى سعد التخصصي بالخبر وتوني اول جلسه اعملها مابعد اجرب النتيجه لكن سويت كل مكان بجسمي وكبدايه ماشفت شي إلى الآن لكن مارحت الا لما شفت نتايجهم على بنات شي خيالي يخلي بشرتك مساماتها مسكره صافيه ماكأن فيها شعر لكن عليك بإنك تتعبين التعليمات مثلا قبل ماتروحين تضربين ليزر تكونين ما تعرضتي للشمس اسبوع قبل الليزر ولا تتعرضين له ابد بعد الليزر الا بواقي من الشمس ماتنزعين الشعر بالحلاوه يعني لو شلتي بالحلاوه لا تروحين لين يطلع الشعر عشان تكون البويصله موجوده شيلي بالموس في نفس اليوم اللي بتروحين فيه بالمستشفى او انهم هم راح يشيلونه لك ما تستخدمين الديودرنت اللي هو مزيل العرق بعد ماتضربين منطقة الابط بيومين ما تستخدمين مقشرات على المنطقة اللي نزع منها الشعر ما تستخدمين مرطبات او كريمات او اي شي ثاني ما تحطين عطور على المنطقه وانشالله ما يجيك الضرر ابد انا لما رحت لهم وسولي الجلسه شافت ان فيني مناطق داكنه قالت لي بستخدم لك نوع ثاني من الليزر حق نزع الشعر يفتح المنطقه شوي يعني يرجعهاللونها الطبيعي وانا ما انصح بأي مكان ثاني غير مستشفى سعد لاني اضمن نظافتهم والممرضات متخصصات بالليزر يعني توكلي على الله وروحي لهم الإجراءات عليك انك تدخلين على دكتور الجلديه ويعطيك تحويل لقسم الليزر وتروح تحجزين مواعيدك بالنسبه للألم والله يعور شوي تحسين كأنها اربع ابر تدخل بجلدك بوقت واحد يعني يوجع شوي ولما تخلصين تدهن عليك كريم وتقومين خلاص يعني مافيه شي اسمه كريمات قبل الليزر وبعد هالخرابيط مو موجوده عندهم وغير كذا يعملون الجسم كااااااااااامل ماعدا الحواجب واول جلستين نفس السعر ومن الجلسه الثالثه يبدى التخفيض من 10 بالميه لين يوصل 50 بالميه عند الجلسات الاخيرات ويتفاوت حاجتك لليزر من اربع شهور الا سبع شهور متتاليه وطبعا اللي ميزانيتها ماتسمح ترى مو شرط كل شهر تروحين لان العمليه عباره عن تضعيف للبصيله متى مازانت ميزانيتك روحي لهم سعر الجسم كامل 5000 ريال الوجه 450 الظهر 1300 الرجل ( من الفخذ للقدم ) 1200 منطقة البكيني كامله 800 ريال منطقة الابط 500 ريال والباقي والله ما اذكره لكن نصيحتي لكل بنت مقبله على الزواج تبدى جلسات الليزر لجسمها كامل والله شي يستاهل يندفع فيه اهم من اللبس وكل شي وماله ضرر على المتزوجه يعني المتزوجه متى ماعرفت انها حامل توقف الليزر لكن خرابيط المستشفيات اللي يقولون ست شهور بعد الليزر مافيه حمل لااااااااااااااااااااا خرطي يعني توكلي على الله واعمليه نتيجته مضمونه واسرع من نزع الشعر بالضوء واذا متخوفه جربي خلطه جابر القحطاني حقت المرارة والنشادر كثير يمدحونها ودعواتك لي بالتوفيق

مرحبا حبوبه بالنسبه لليزر بالعكس مره كويس ولا له اي آثار جانبيه اذا اتبعتي التعليمات...