شي ابكاني وحطمني

السلام عليكم ورحمة الله وبركاته
بقولكم شي بقلبي وشي أثر فيني أنا يابنات كنت أقطع بصلاتي وتجي أيام ماأصلى أغتاب أعصب أسوي معاصي وقبل فترة جابت أمي شغالة مؤقتة ولأن البيت ضيق خلتها أمي تنام معي بالغرفة ماشاء الله عليها تعجبت منها كانت وقت الصلاة تقوم تصلي وجوالها تحطه على قرآن وأدعية وتقوم وتشتغل بالبيت وإذا جاء وقت الصلاة ودخلت عليها بغرفتي كانت بتبتسم لي وتقول صليتي ؟؟وأنا كنت ماأصلي بالفترة هذي كان سؤالها يحطم قلبي وأقولها أيه وأنا كذابة وكذا مرة إذا وقت الصلاة جاء تبتسم لي وتقول صليتي ؟؟حسيت إني صغييييييرة قدامها أنا أتأفف إذا ارسلتني امي لشي وهي تشتغل وتصلي الصلاة على وقتها أدري انها عشان تأخذ فلوس بس أنها تشتغل بشرف وصرت أشوفها كبيرة بعيني رغم صغر سنها وأنا أكبر منها ضايعة ماصلي ربي ماوفقني بأي شي والناس علاقتي معهم سيئة وكانت إذا جاء وقت الأكل وأنا ماأكلت وهي تسمع أهلي ينادوني للأكل بس ما آكل كانت بعد ماينتهي وقت الأكل وشافتني تبتسم وتقولي أكلتي ؟وإذا قلت لا أبتسمت وقالت بإستنكار ليش ؟؟؟؟؟وإذا مانمت تسألني ليش مانمتي؟؟كذا مو زين وراح يضرك وأنا كان فيني أرق كان تعاملها قمة الرقي معي رغم إني أكبر منها بسنين هي أحسن مني مليووووووووون مرررررة كنت تااااااااااااافهه جدا جدا جدا وضعيت عمري على أشياء تافهه وهي تبتسم رغم ظروفها الصعبة وغربتها وامها بديرة بعيدة عنها وحاليا صرت أصلي وأتمنى ماأترك الصلاة أبدا وأتمنى أكون مبتسمة دايم مثلها