شي بودن احساس صعب اقتنع فيه

السلام عليكم

حابه استشيركم بشغله حيرتني 3 سنوات من عمري مالقيت لهم حل

باختصار ماني حابه اذكر الماضي لكن اللي تبي تعرف مشكلتي من الاول تقدر ترجع لملفي الشخصي

انا بعد ما تطلقت من زوجي طلقه وحده رجعت له لي تقريبا الحين شهر ونص

احس بضيقه وجيت على نفسي وحاولت اتأقلم بس ماقدرت وبدأت المشاكل ترجع بينا !!

رجع زوجي يتذكر الماضي ويتهمني بأني انا اللي خربت بيتنا اول واني انا اللي دايم اتخلى عنه

صار يهددني كل مره نتخاصم انه هالمره ماراح يتنظرني اتخلى عنه ويقول ( راح اتزوج عليك واوريك شغلك)

ولما ازعل واتضايق يرجع يقول لحظه غضب وانا اظل مجروحه

كثير تفاصيل تصير بينا وانا ما اخبي عليكم ما فيني صبر وارد عليه دائما

حاولت اسكت واطنش كلامه لكن هو يستفزني كثير

لما قال لي بتزوج قلت له روح تزوج 10 من هاللي بتصبر عليك ؟ وقلت له اصلا فرقاك عيد

ادري لساني طويل بس انا اغار وهو مايراعي مشاعري

بالاخير بعد كذا مشكله تهاوشنا وغلط علي وعلى اهلي وطول لسانه رحت طوالي قلت لاهلي مدري من القهر والضغط

ودخلت امه بالمشكله قلت لها ابنك ما يبغاني وكل مره يقولي بروح وبتركك طيب ليه يرجعني؟

راح هوا انكر كل كلامي وقال تكذب وانا شاريها !! طيب والكلام اللي سمعتني هوا فين راح؟

اقوله ليه تقولي ما ابغاك قال انتي نكديه وانا رجعتك ابي الراحه في بيتي ولا لقيت الا النكد والهم والغم وفوق هذا ماتعرفين تطبخين؟!!

قلت له الطبخ انا مو متعوده مع الايام بيضبط طبخي قال صبرت عليك ولكن انتي ماتبين الستر وغيرك الف بنت تبي الستر

واذا تبين تتركيني روحي من بيتي ولا تاخذين معك اي شي من الاغراض اللي اشتريتها لك

عصبت انا ورميت جوال بوجهه واخذت حليب ابني وحفايظه وطلعت مع اهلي ورحت معهم

لي الحين 4 ايام ولا دق علي

قالي لما تخلصين زعلتك دقي علي انا ما راح اتصل عليك ابدا

يبي يذلني ليه؟

انا مقهوره وعندي طفل ومابي اتطلق وشلون ارجع له وهو قال مابيك احس باهانه

اهلي يقولون ارجعي له وتعاملي معه بطيب واحترام ولو قال مابيك قولي عادي لا تبيني انا ابيك

وان قالك بتزوج قولي تزوج وانا بجلس في بيتي

ليه يارب يبوني اعيش بلا احساس؟

شي بدون احساس صعب اقتنع فيه :(


عادي اقسو علي قولو اللي بتقولون بس ابي نصايح من قلب اخت لاخت

تحياتي