شي تتمنونه يتغير بالمجتمع

وعليكم السلام ..
التكلف والبذخ الزايد في العزايم والمناسبات التي افقدت المناسبه بساطتها وروعتها
و.. المقارنات..
والقيل والقال الي غير النفوس وشحنها على بعض وغير القلوب

اتمنى يصير المجتمع اكثرررر وعي اكثر تفتح بحدود الدين اهم شي الدين والعادات الجميله السمحه اللي تناسب الدين
اتمنى المرأه تكون اقوى من كذا خصوصا القانون الان معها والسواقه واشياء كثير صارت مسموحه لها وصار يتقبلها المجتمع مثل المشاريع وغيرها
وكل الشابات يوصلون للي يبونه قبل سن الاربعين
اتمنى مايصير المجتمع شماعه نعلق عليها كل اخطائنا
مع كل العيوب بمجتمعنا بس مانضغط عليه وكل ماصار شي رميناه على المجتمع
اتمنى يسود الحب والتفاهم بين الازواج ويكبرون عقولهم عن بعض التوافه وتصير تضحيات من الطرفين موطرف واحد واللي هم الزوجات ييكونون مضحيات اكثر
وتكون فيه مسؤوليه من الشباب وتقل نسب الطلاق المرتفعه😭
ويكون الزواج عن قناعه ودراسه للبنت وللشاب وليس عن طريق الاندفاع بالمشاعر بالبدايات
اتمنى يصير المجتمع اكثر رقي واحترام ولطف بكل التعاملات مع كل الاجناس والاطياف
اتمنى تخف النظرات من وراء النقابات والهمز والغمز بالمجالس والدق بين الحريم والبنات
ونترك الغيبه والنميمه لوجه الله تعالى
وكلن ينشغل بنفسه
اتمنى ان امة اقرا تقرا اكثر
مااتكلم عن الكتب العاديه اتكلم عن امهات الكتب والسلاسل والموسوعات
ونبحث ونطلع جيل باحث قارئ مطلع وواعي وفاهم
لي عوده اذا تذكرت اشياء لكم وبترك لكم المجال
بانتظار مشاركاتكن
بالاضاافه اتمتى مايصير مشادات و(مهاوشات) بالكلام اتمنى يكون فيه احترام ولطف❤️❤️
مودتي

هلا بنت نجد
لك 🌹لانك اول من شاركت😂❤️❤️❤️ امزح
المهم
ايوالله التكلف والمظاهر افقدت البساطه اللي فيها سعاده ووناسه
القيل والقال وشحن النفوس على بعض يبيله موضوع لحاله
الله المستعان الله يصلح الاحوال يارب
والدليل ان ننشتاق لايام زمان رغم انها جدا بسيطه✨💜🕊

اتمنى نحدد وقت معين للجوالات ونتصفحها سريع مثل كل الامم ونعيش الحياه طبيعيه ونتواصل اجتماعيا وجها لوجه اكثر من الجوالات والجوالات نستخدمها غالبا من البعيدين عنا والمسافرين
نترك الالعاب مثل ببجي وغيرها
ونستغل الاجازه الصيفيه صح ونطلع منها بانجازات كثيره
لو ساعه اوساعتين ننجز فيها يوميا تكفي قليل مستمر خير من كثير منقطع
وكل يوم تنجز انجازات بسيطه بعد شهور اوحتى سنوات تصنع اهداف عظيمه✨👏🏻🕊
حتى الاطفال الامهات والاخوات وكل المجتمع يسوون لهم برنامج كل عيله تسوي لاطفالها برنامج تطوير هوايات ومواهب تعلم لعب وغيرها❤️❤️

الهياااااط😴😴😴