شي تذكرته امس اخاف هو السبب في تأخر مشي بنتي ، تطعيمة شلل الأطفال؟

السلام عليكم..

بنتي عمرها سنة وكم اسبوع..
لين هالحين ما مشت ولا عندها بوادر انها تمشي..

صحيح انها احيانا توقف على الطاولة بس ثواني وترجع ترمي نفسها على الأرض..
مافيه محاولة مشي او تخطي ابداااااا

امس ذكرت اننا لما كنا في القاهرة بالصيف وبنتي كانت ام 8 شهور تقريبا..
جونا ناس من وزارة الصحة عندهم..وكان فيه حملة تطعيم لشلل الأطفال..
وانا كنت نايمة وقتها..
وكلموا امي ، ووافقت انهم يعطون اخوي وبنتي جرعة من اللقاح حقهم..

انا والله لما صحيت انصدمت...
عاد امي تقولي الله يحفظها انها مامنها ضرر عادي..

حتى بالسعودية يسوونها..
انا ضاق صدري ولاحبيت ابين لها قلقي..

بس هالحين انا اهوجس لايكون هو السبب في تأخر المشي عندها..

مع العلم انها بسم الله عليها ماتأخرت بشي..مثل الجلوس والحبي ،،ماعدا التسنين..
توها تسنن من شهر..