شي رفع ضغطي صار اليوم بابو ريالين من حرمه متخلفه

انا طلعت لمحل المدعو ابو ريالين وولدي الله يفتح على قلبه وبصراحه ولسانه بذي ومتبري منه اذا احد تعدى عليه يعني دوبه دوب نفسه الا اذا احد غلط عليه
المهم انا دخلت المحل وانا ماسكه يده راح لقسم الالعاب وانا رحت لقسم الاواني المهم سمعت ولدي يصارخ ويتكلم بصوت على ويقول الفاض ياعمري مره شينه جيته قلت اش فيه الا على جيتي وحرمه تعطيه ذاك الكف جعل يده الشلل
قلت خير ***** الله ابي افهم وش السالفه قالت ربي ولدك قلت مربي بس وشالسالفه قال ولدي انا بيدي لعبه واخذتها مني لولدها لانه مابقى الا وحده ومكسوره قالت اخذته يالحمار غصب عنك قال يادبيه قالت مره ثانيه تقوله وتاخذ اللعبه اللي بيد ولدي وترميها ولدي انجن انا ماني مستوعبه الموقف قلت عموما الله لا يسامحك ليش تقهرين الولد وتاخذين منه لعبته خوفي الله ترا راس ماله ابو ريالين قالت انا ياختي مستعجله وانتي علمي نفسك زعلتي اني اخذتها وهيا بريالين قلت انتي مره كبيره وتاخذينه من يد طفل عمره اربع سنين وغصب عنه وهو اللي اخذه الاول وتبينه مايتلفض عليك وفوق هذا تعطينه كف قالت بعد هو ليش يقولي دبيه قلت اقل كلمه يقولها لك وانتي ماخذه اللي بيده طفل هاذا كبري عقلك شوي قالت لي كولي زززز قليله الادب قلت انتي شكلكمن بيئه سيئه وتعاملك تعامل سئ انا تراني ماتلفضت عليك رغم انك ضاربه ولدي وكملتيها ورميتي لعبته الثانيه اللي بيدك انا اقدر اصطر بنتك وارمي اللي بيده بس انامربيه مب مثلك ياقليله الادب على جيت اليماني اللي يشتغل بالمحل يبي يهدي الوضع الحمد لله مره سيئه تصارخ باعلى صوت وانا اتكلم بشويش قلت طيب ماله داعي الصراخ تكلمي بهدوء قالت جايه تربيني وتبدى ترفع صوته بقوه تعاندني تركتها وقلت الله يستر عليك اخذت ولدي وجسمي فيه نفاض ورعشه من القهر من اسلوبه ومن رحمتي بولدى تخيلو المتخلفه وش سوت وانا رايحه ابحاسب وتمر وتضريب ولدي بالكيس وهو مليان اغراض وتطلع بسرعه من المحل اف احس بقهر رغم ان الموقف من العصر حسبي الله عليه والمشكله انيماخذت حقى منه بالمره الاولىوكملهتا بالثانيه قالى اليماني الضاهر هي مريضه نفسا الاسبوع اللي طاف اتهمت صديقي انه متحرش فيها وجابت الهىئه بس لانه قال لها لا تفتحي الكريمات وهبت وصارخت فيه يعني حماره متعوده على الصراخ وبس