اختى استخيري وخبري من تثقين به انه بيعالج الموضوع بحكمه لازم تسوين حد ويفهم انه هو غلطان وما يعيد الكره والسكوت معناه تفاقم المشكله
وانتي لازم توصلين لحل والحل يأتي بالتجربه يعني اتبعي خطوات مختلفه فى كل مره واذا انتي الحين مو حابه حد من أهلك يعرف بالمشكله ارجعي لبيتج ولأن انتي أول مره تطلعين من البيت ممكن يكون له درس ارجعي لبيتك مع أحد من محارمك وشوفي شو بيصير بعدها اذا عاد الكره مره ثانيه خبري من يتفاهم معاه بالطيب وهكذا بالتدريج
وحطيها قاعده ببالج ان انتي ما تخطين الخطوه بأي أمر الا بعد الا ستخاره
يعني مثال كان ما طلعتي من البيت الا بعد ما تستخيرين ونفس الشي ترك الأولاد
المهم عليج الحين تكثرين من الدعاء له ان الله يحسسه بقيمتج ويحببه فيج وادعيله بالهدايه دايما ولا تتركين صلاة النوافل وأكثري من الصدقه والاستغفار
وأسأل الله العظيم ان يصلح أمرج ويفرج همج امين يا رب العالمين

اختي الفاضله
انا ما ادري شو علاقتج برب العالمين
هل انتي علاقتك قوية مع رب العالمين
هل تتقربين لله سبحانه وتعالي بالنوافل والطاعات
بخبرك بموضوع اذا انتي ماحجيتي للحين
ارجعي له بشرط انه يوديك الحج .... هناك ادعي وادعي وادعي وداااااااائما ادعي
حنا ما نبي ينخرب بيتج
دام انتي ابيت اهلج اتفرغي للدعاء الحين وخلي بالج دووووم ادعي وقولي ياااااارب عمره مايضربني ولا يمد ايده علي طووووول عمري
وادعي واتضرعي له بالسحر
عسى الله يوفقج معاه ويسخره لج
انتي ادعي وكلمي هلج اربع سنوات مب شوي ضرب اهانه يكلمونه ويقولون له انه مايمد ايده عليج مره ثانيه
وخلي حد كبير وعاقل بالعايله يكلمه ويعقله المراه مب عبده يضربها
انه لو ضربج الحين مثل ما يستضعفج باجر رب العالمين بيسلط عليه اللي اقوى منه صدقيني الحياة دين وسداد
باجر ربج يمكن مثل ما ذلج تنقلب الادوار ويصير هو ذليل وانتي القوية وصارت وااااايد وانا اعرف وايد قصص
الله يعينج على ما بلاج

نصيحه لك يا اختي اولاً خليكي علي موقفك علشان ما يتعدا عليك مره ثانيه

ثانياً خذي عيالك معك واجلسي المده الي تبغنها عند اهلك

ممهما كان خلافك مع ابوهم اولادك لاتخلينهم نصيحه مني يا اختي لاني تربيت بعيد عن امي

والسبب مشكله بين الوالد والوالده لاكن تحطمت كثير والوالده احسها بعيده عني لين الحين

ارجوك يا اختي كان لي طلب عندك لاتتركي عيالك خوذيهم معك بس لا تحسسيهم انك متخليه

عنهم راح تسبين لهم ازمه نفسيه فوق الازمه الي هم فيها الحين ويمكن يقلب عليهم ويطقهم

وحاولي تلجئين لاحد من اهله واهلك يقنعوه يعرض نفسه على طبيب لان زوجك شكله مريض

نفسي ويبغاله علاج

الأخت نسايم حايل كلامك صحيح بس أن مشكلتى عرضتها بنفس هذا الباب موضوع" ضرب الزوجة" و راح تلاقون الويل اللى لاقيته من زوجى اللى مو بس يضرب، يضرب الضرب بالات حادة و بالرجل و الواير و أخر شي قام يكلبجنى بكلبجات مالت الشرطة و يحمل على السكين و انا الحين بينى و بينه 6 سنوات كلها ما شفت فيها ايام جميلة كلها طق و عذاب و هجران و تعذيب و سب و لعن و كلام وسخ الله يموته وافتك منه و آخذ عيالى لأنهم صغار و خايفة يأخدهم منى . بالنسبة لج يا طيوبة أنا نفسك كنت أحبه حتى لو يطقنى لانه أدرى متعلق فينى لمن الحين بس عنى أنا صرت أكرهه و حاقدة عليه و أبى فكة منه و طلاق حتى الهرب هربت عند واحدة صديقتى 6 أيام لمن طلبنى عن طريق المخفر . اللى يضرب ممكن يوصل لحد التهديد بالسكين و يمكن يذبحك لأنهم مرضى نفسيين و ما يصارحون حتى نفسهم بهذا الشي و معقدين و انا اقترح اننا نسوى حزب الزوجات المضروبات و نشوف لنا حل كيف ناخذ حقوقنا و عيالنا معانا و كيف ننتصر على هؤلاء الهمج اللى ما يرحمونا احنا القوارير الله يفكنا منهم انتى تقولين تحبين زوجك و ما ارضى أجرحه لكن لما يطقك و خلى الدم ينزل من وجهك و جسمك و تشوفين خلقتك بالمراية مشوهة أى حب هذا هذا استهبال على نفسك لازم نسوى خطط و حلول بحيث نطلع بأقل الخساير و بدل الرجل فى رجل غيره لا تخافين احنا مظلومات انا تزوجت الأول و تطلقت منه عشان يطقنى و هذا الثانى اخس منه قلت ما بى طلاق و راح اصبر لكن قام يكلبجنى بالحمام و يخلينى اصرخ و يهددنى بالسكين خله يولى الحمد لله مو محتاجة له و أقدر اتزوج أطيب و أحسن و احلى منه بس ما بى رجاجيل كلهم عذاب أعيش حرة نفسي و بكرامتى أحسن لى من هالعذاب أنا بس عيالى هم اللى معورين قلبى مو عارفة الحل

غناتي ..

دخلي حد في السالفه ترى هب من المريله الضرب << سوري بس هاي حقيقه ..

شحقه ما اترمسين رضيعتج او اخوج او اي حد مقرب منج عنده سلطه مثلا ابوج ؟؟ مهما كان فكبريائج لازم ما تستغلين عنه و بعدين انت حرمه ام عيال و محتاجه ريال فلازم تلاقون حل لهذا و اتوقع ان الاطراف الي ذكتهم فوق بيساعدونج في المواجهه ..
هي نعم مواجهههههههه لازم اهلج يعرفون .. و ااهله بعد ..

تلاحقي قبل لا تندمين و ييلس يكفخ بج و يصفع بج زووود و يكسرج ..
صبريتي 4 سنوات كفايه و الرسول صلى الله عليه و سلم يقول :
( و ان لجسدك عليك حقا ) فلا اتضيعين هذا الحق


سبحان الله