ومو شرط ان الرجال الي ماتزوج على زوجته يعني ان زوجته كل شي تمام عندها يعني الي يتزوج ثانيه ممكن طربان وعنده طاقه مو شرط هارب من زوجته الاولي ولا فيها عذروب يعني الرسول يوم تزوج اكثر من زوجه يدل على نقص لا طبعا عشان كذا ارتقوا شوي الشرع صح حلل اربع بس والله ارعف واحد متزوج على زوجته ويغلي الاولي اكثر من الثانيه بس له اسبابه الخاص ماتزوج عشان عيب اغلب الرجال عندهم طاقه يلزمه اكثر من وحده وبعضهم فلوسه كثير حب التجربه

:2thmup:

أمي ولدت في أمريكا.. وكان الهواء بارد ودخلها هوا هي والنونو ..
أختي جلسوها بالمستشفى 20 يوم .. لدرجة صاروا يحقنونها الإبر من راسها
ومررة تعبت وتعبوها زيادة
وأمي ما تقدر تتحرك من قوة الألم في أرحامها .. وجلست تقريبا أسبوع وهي تمشي وتصيح وتجلس تصيح ولا تدخل الحمام إلا بصعوبة ويالله تتحرك وحالتها مأساوية
ولما خبرت جدتي بهالشي ..قالت لها خذي مرة وتبخري بها .. والله تحلف أمي دخلت الحمام متكية على أبوي ما تقدر تسند على نفسها وتمشي .. وطلعت تمشي بالعاافية
طبعا الشاهد من السالفة
انه امي راحت للمستشفى قبل ما تكلم أمها عشان يشوفون ايش الي فيها وايش هذا التعب
لما دخلت على الطبيب وشاف الحالة
قال لها طبيعي 80 بالمية من النساء الوالدات يجيهم مثل كذا
مالك غير المسكنات .. قد تستمر الحالة شهر وقد تدوم إلى سنتين .. وغالب النساء تخف عنهم بعد 6 شهور
والله الذي لا إله إلا هو إنه هذا الي حصل

وين الي ما يمرضون ويطلعون بصحتهم وما ادري ايش !
يختي فكري فيها بعقلك وما عليك من كلام الناس
الله عز وجل مو أمرك بالصلاة طوووول ما أنتي حامل !
طيب ليش يسقطها عنك في النفاس !
وهي أعظم شعيرة ما تسقط بأي حال .. لاخوف ولا مرض ولا جوع ولا حرب ولا مطر الصلاة واجبة
يرخص في توقيتها في ركعاتها بس ما تسقط نهائيا إلا على نفساء أو حائض .. ليش !
طيب الصلاة معها وضوء .. يعني ايش !
غلط برضو تجلسي ناقعة في المويه وكل شوي تتعرضين للمويه وبعده الهواء الي هو الوضوء
وعلط كمان تتحركين كثير وتطلعين وتنزلين والا كان الصلاة اوجب

طيب مو سمح للمرأة بممارسة العلاقه مع زوجها طوووول فترة الحمل
وحرمها وهي نفساء أو حائض !
لييه .. !
طيب فكري اش بعد العلاقة .. بعدها غسل .. الله منع العلاقة لأجل أنها تضرك داخليا والغسل بعدها كمان يضر ..
وإلا كان أوجب الغسل عليك ع الاقل .. لأأن الإسلام دين طهارة ونظافة
بس لا .. سامحك لأأجل جسدك وصحتك

طيب والحامل تصوم .. وإذا ولدت لو آخر دقيقة أفطرت .. لييه !
لأنها تحتاج الأكل وما ينفع تجوع
طيب ليش الله عز وجل لما أمر الأنبياء والمؤمنين أنهم يأكلون ,, ذكر الطيبات كلها (يا أيها الرسل كلوا من الطيبات ) و (يا أيها الذين آمنوا كلوا من طيبات ما رزقناكم ..) ولما جاء عند مريم عليها السلام قال (وهزي إلأيك بجذع النخلة تساقط عليك رطبا جنيا* فكلي واشربي وقري عينا ) ما ذكر لها الا التمر والماء وقال لها قرّي عيناَ .. معناته هالشيئين بفيدونها مرة .. جسديا ونفسيا كمان

يعني ما فيه شي اسمه خرابيط وما خرابيط
اي انا معك في التنطع الزايد
واشتري لك الفين عشبة وخلطيهم وهذا لهوم وهذا كبو وهذا مع الصبخ وهذا مادري متى وو

بس برضو ما نجي ننسف كل شي ونقول الاجانب
لأنهم حتى هم ضااايعين ورايحين فيها
ولا جات العمليات والتضييق والتمارين والادوية الا من عندهم

عيشي نفاسك باعتدال
حليب حار وفلفل أسود أوحلبة ويانسون مثلا
مع تمر
الغداء مرق وعصيدة ولا خبزة ولا قرصان ولا مرقوق والا وووو الخ
بس لازم لحم
لأن الله عزز وجل امر بذبح العقيقة عن المولود
الشيخ الشثري قالها الجمعة الماضي: الأظهر أن العقيقة لأهل المولود وخاصة الوالدة لتتقوى بها وتنتفع منها بعد ما أصابها من التعب والألم والشدة ولما تعرضت له من نقص طوال فترة الحمل .. فالله عز وجل أمر بالعقيقة كالإكرام لها والرحمة بها وبأهل بيتها ..

وبين الوجبات تمر وقشر وقرفة وزنجبيل ونانخة
أو قهوة تمر .. تغلين كمية من التمر وتحطين عليها قرفة وتشربينها تنظف الرحم مرة

وتعشي كمان على مصابيب والا مطازيز ولا قرصان
المهم ما تجوعين و اشربي حوارّ والحمد لله

الله يسهل علي حملي وولادتي ويبلغني نفاسي مع طفلي وزوجي وأهلي في صحة وسعادة وسلامة ويعوضني عن طفلتي خير
طولت هرج .. < خشيت جو وتو انتبهت لنفسي

موفقة خيتي والله يقر عينك ويعينك ويتم لك نفاسك على خير

انا كنت ضد بعض الشغلات لحد ماشفت ضررها بنفسي
مثل حكاية لف الراس
ماكنت الف راسي وهبني هواء وجاني صداااع فضييع وفعلا ايقنت ان النفاس يبي لها اهتمام خاص
وصدقيتي امها متوفيه ورفضت تنفس هند احد وكل نفاسها برجر وببسي وشغلات ماتغذي
ولما جابت الثاني قالت لو سمحتوا كلللل خلطاتكم جيبوها عندي وفرزرولي اكلات سنعة تقول عرفت ان الله حق والدلع مايجيب خير..

انا ضد المبالغة مثل منعىشرب الماء نهائيا وتخصيص اكلات وخلط اعشاب لان هالاشياء لو فرضنا تصلح الوضع لكنها تحووس اجهزة الجسم
الوسط هو الزين لاافراط ولاتفريط

ننو
بالعكس يلفون بيبياتهم
شوفي الماركات الاوربية والامريكية المهاد شي اساسي عندهم