طبعا انا اثر فيني جدا الموقف ارجو مافي وحدى تجرحني برد غير لائق او تقول فاضية مع اني ادري عنكم طيوبات
المهم السالفة اني رحت اطعم بنتي تطعيم الست شهور رحت عند حقت الاستقبال وقلت لها ابي اطعم بنتي وزوجي يستناني برا
:)
المهم قالت يوم السبت فقمت طلعت لزوجي برا قال لي روحي افتحي بس الملف عشان يوم السبت عالى طول تطعمينها
المهم سالت الحرمة قالت هي ماتفتح ملفات قالت روحي عند مكتب المدير مع اني والله ماحبيبت ادخل عند الرجال بس
الضرورة والحمد لله متسترة زين وعباية على الراس ما امدح نفس بس والله اتوتر لما اتكلم مع رجال :22: بس وش اسوي
المهم دخلت على قسم التسجيل وكان فيه رجال المهم ماحصلت مكتب المدير لقيت رجال مع بنته قلت اساله دلني على
المكان وانا رايحة لغرفة المدير مريت على غرفة اعتقد هي للشكاوي او مدري ايش سمعت رجال معه بنته صغيرة
والرجال المسؤوول يستجوب فيه يقول يعني فلان حاول يعتدي عليها ؟؟؟؟ :eek: استغفر الله حسيت بخوف وحزن عليها
قلت اكيد انه اغتصاب الله يستر على بناتنا والله اني شايلة هم بنتي من الحين :09: الله يسترها بعدين شفت وجه ابوها
مصفر كانه مصدوم الله يكون بعونه بس وبعد كذا رحت اكمل اجرائات التسجيل قلت انا وش جابني هنا والله اني
قلبي رقيق مايتحمل حتى يوم شفت العميانين في بداية دموعي صارت مطر والله العظيم ، يلا مع السلامة .
