شي عجيب للبنات الصغار والحريم والنوافس وقت الدوره من اختكم نوير

السلام عليكم ورحمه الله وبركاته


خواتي في شي مضيق صدري وان شاء الله اليوم اتكلم عنه اللي ناسيه اذكرها واللي جاهله اعطيها معلومه تنفعني يوم الحساب




خوياتي
كثير من الحريم يهملون بنياتهم وقت البلوغ واول ماتجيهم الدوره اما خجل من الموضوع والا قله معرفه وهالشي ينعكس على البنيه تلقينها ذبلانه وناشفه هذا غير انه مع الوقت يسبب لها مشاكل وتكيسات الله يعافينا وياكم


وقت الدوره فيه مشروب مهمممم متعلمته من امي الله يحفظها وهو معروف لكثير منكم فايدته يخفف الم الدوره ومغصها وينظف وتنتهي في وقت اسرع تشربونه انتم والا بناتكم الصباح على الريق اول يومين او ثلاث من الدوره


وهو عباره عن حليب ساخن يضاف له :
نص ملعقه حلبه مطحونه
نص ملعقه رزنه
ربع ملعقه فلفل اسود

الحلبه زينه وماتجهلون فوايدها والفلفل الاسود فايدته التنظيف والرزنه تروي البشره وتصحصح الجسم وفوايدها وشكثره ماتذكرها الحين


استغرب يوم اشوف بعض الحريم تعرف بنتها معها الدوره وتخليها نايمه للظهر بدون اكل ، المفروض تصحى الصبح تصلي وتشرب الحليب مع الخلطه اللي ذكرتها وتاكل شي يحفظها من الخراب وترجع تنام


بناتنا امانه خواتي لاتضيعون الامانه والله يسعدني ويسعدكم ويكتب لنا الخير جميع