شي غريب احس فيه براسي

السلام عليكم ورحمة الله وبركاته
كيف حالكم بنات ، صار لي مدة مادخلت المنتدى لظروف الله يعلم فيها ،
بنات أنا من رمضان أحس بعارض صحي غريب
لاهي دوخة ولا دوار الاحساس غريب مره كنت جالسه اتغدى مع زوجي وعيالي في الصالة احس دماغي كنه شي ماسكها وينقطع الصوت حولي واحس كني بموت واتشهد بيتي وبين نفسي
وهذا الشي اعلى راسي في الوسط على الهامة بالضبط ، ومره كنت افرش اسناني بالحمام جاني نفس الاحساس وطلعت من الحمام بسرعه عشان لو صار شي اهلي يحسون فيني ، الثالثه قبل ايام عازمة جارتي اقهويها ولما مديت الفنجان جاتني هالحالة واحاول اتماسك واقبض الكنب واغمض عيني مؤلم بشكل غريب ومخيف ، يجيني حتى وانا جالسه مو واقفه
علما اني مريضة ضغط من عشر سنين لكن عندي جهاز في البيت اقيسه وماخذه حبوبي بوقتها
لكن عندي مشاكل بالبشرة وكتب لي الدكتور روكتان حبوب لعلاج حب الشباب لي الان ست شهور عليه سبب لي جفاف شديد في وجهي وشفايفي وانفي من الداخل وخمول والالم في العظام ورحت للطبيب وقال الروكتان هذه مفعوله لازم تصبرين لين ينتهي الكورس وتخلصين منه علما اني علمته اني مريضه ضغط قال عادي ماياثر على ضغط الدم بالله من جتها نفس حالتي وتعالجت وكشفت هذا الشي وش هو بالضبط
احيانا يجيني كوابيس انه مرض الله يبعدنا عنه وعنكم يارب من الخوف والتوتر من التفكير
مادري وش اسوي ..😓