شي غريب عجيب حصل معي شخصياً وابي تفسير له!!

بسم الله الرحمن الرحيم
هذا يااخواتي قبل كم يوم تقريبا اسبوع كنت رايحة مع زوجي واولادي البحر وكنت لابسة دبلتي والساعة وكانت الساعة عزيزة علي مرررة لانها هدية من زوجي..
المهم لما رجعنا من البحر وتوضيت وصليت جيت دورت الساعة والدبلة مالقيت لهم اثر كأن الارض انشقت وبلعتهم ,, قلبت شقتي فوق تحت مالقيت شي :(
وكنت دايم متضايقة وبس افكر فيهم وزوجي قال لي ولايهمك راح اشتري لك بدالهم جداد .. بس انا نفس شي ضليت متضايقة, :icon33:

بعدها بيومين وانا ادور قلت خليني ادور في ادراج تسريحتي وطلعت الدواليب كلهم وقلبتهم وفضيتهم ماخليت فيهم شي ورتبت كل شي مكانة وكانت عندي علبة حاطة فيها ذهبي كله ايضا قلبتها ورجعت رتبت الذهب مثل ماكان ورجعته الدرج,,
المهم انا طبعا ً خلاص فقدت الامل القاهم وقلت في نفسي خلاص دام زوجي بيعوضني
مايهم مع ان في داخل قلبي غصة,,
وش الشي الغريب العجيب :30:
الليلة بعد ماسبحت ولبست جيت عشان البس ذهبي وفتحت الدرج والعلبة حقت الذهب والقى الساعه والدبلة محطوطين فيها بشكل مرتب :32:
قد مافرحت قد ماخفت وناديت على زوجي على طوووول وحلف لي انه ماشافهم لاني قلت يمكن هو شافهم وحطهم بذا المكان عشان يسوي لي مفاجأة,,
طيب يابنات من الي رجعهم هنا ووين كانوا الفترة هذي كلهاااا :D
مع العلم ان شقتي صغيرة ولاعندي شغالة وعيالي لساتهم صغااار ولافي احد غريب يدخل شقتي غيري انا وزوجي ووعيالي!!!!!!!!!

طيب بناات ممكن احد يفسر لي هذا الي صار ووش معناه ارجوكم لاني خايفة مرررة :06: