شي غريب قاعد يصير لي :(

ورجعت رافقت عند امي اول يوم عدا ع خير ثاني يوم بعدها ب4 ايام وقت المغرب جاب العامل الفلبيني العشا وفيه 3 علب ماء صحه و3 علب حليب لامي والعشا ورز ملفوف ب تغليف الطعام ولانه حار ذاب شوي والخبز ملفوف بتغليف الطعام فوق بعض ولانه حار وبلاستك لصقت شوي ببعض * الشرح عشان تفهمو* 
اول ماشلت الصحن مال شوي لانه ثقيل وطاحت علبه مويه عند الباب قلت خلني ارتب اغراض امي واجي للمويه دخلت الغرفه وكنت طافيه النور لان امي نايمه ورتبتها وكنت برجع للمويه مالقيتها لقيت الخبز محطوط جنب طرف للباب!! استغربت فركت عيوني تعوذت من ابليس دورت فوق تحت المويه للان لاحس ولاخبر والله بعيوني شفتها طاحت وسمعت صوت طيحتها عالارض!
طنشت بعدها بكم يوم كان عند امي زيت جونسون للاطفال وكنت احط منه وقلت بدال ما اخذ من زيت امي خليني اجيب لي علبه صغيره اطلعلي فيها شوي واخلي حق امي لها خاص ولي خاص خلصت وحطيته بالدولاب وبالليل جيت بحط منه واختفى دورته فوق تحت فتشت الدولاب سالت كل الممرضات لاحس ولاخبر ولاحد يجي غرفتي ابدا لان مافيه احد مرافق برضو طنشت
بعد هالسالفه بيوم كنت جالسه بالغرفه والغرفه فيها شباكين جالسه ومعطيه الشباك ظهري الاحسيت بنفس الضوء اللي شفته عند اختي قوي مع انه ليل وحاطه الستاره خفت ما اكذب عليكم وفتحت الشباك لقيت قطوه سودا تناظرني سميت وقفلت الشباك رجعت جلست الا بالشباك الثاني والله نفس الضوء ورجعت فتحته لقيت نفس القطوه تناظرني تعوذت وطنشت وقلت ابي اسوي شاي ويعنني مو هامني الامر مره ودخلت الحمام بغسل الكوب الا والله نفس الضوء بنفس الطزيقه فالحمام فتحت شباك الحمام نفس القطوه سودا وتناظرني عينها بعيني طنشت وقلت بسم الله بقلبي جين حطيت الكوب عالطاوله الا طاح بطريقه غريبه والاغرب ان فيه قزازه صغيره دخلت برجلي بطريقه والله غريبه وشقت لي رجلي ونزفت دم فضيع من قزازه صغيره لدرجه المرضه تقولي لورحتي للطوارى يخيطونها لك غطته لي وصحيت الصباح لقيت الجرح بس بالطول مع اني امس شفت عريض لدرجه اللحم باين بعدها بيومين غرض لامي يحطونه الممرضات بفمها عشان ماتنكتم لو قفلت فمها عقمته وحطيته عالطاوله والغرفه مافيها احد وقلت بحطه لامي بفمها بعدما افسخ القفازات ورحت الحمام غسلت يديني ورجعت مالقيته !! دورته فوق تحت ورحت حتى للزباله فتحتها اشوف مافي شي لاحس ولاخبر ! اللي خلاني انزل الموضوع شيئين صارتلي امش واليوم وانا مره قلبي مخوفني من هالشي امس ع المغرب كذا نفس الشي العشاا جابوه وقلت برتب اغراض امي وخلصت قلت ابي اطلع الصحون لان حق الغدا والفطور متجمعه وكنت فاتحه الشباك فيه هوا يجنن الباب حق الغزفه كان مفتوح شوي وكتت شايله الصحون بيديني الثنتين وفتحت الباب برجلي ااساسا مو مقفل رحت حطيتها ع الطاوله بنص السيب جاء هو قوي وتقفل باب الغرفه وانا راجعه للغرفه لقيت اللمبات مطفيه!!بسم الله ايش اللي صار وكيف انطفت الانوار انا مادري!! ولافيه احد خش الغرفه اساسا!!خفت مرره من هالشي! غريب بقوه بس راح عن بالي ولاعطيته اهميه فالليل نفس اليوم اللي هو امس كنت نايمه عالمرتبه اللي موجوده ومعطيه الجدار ظهري والمرتبه مرتفعه حاطه راسي عالمخده وبعيده شوي عن الجدار والله يابنات واللي فطرني احس بيد تمسك شعري وحسيتها بفروه راسي لان شعري قصير مره وتشد شعري الين صفق راسي في الجدار بقوه وكنت حاسه وواعيه ولاقدرت اتكلم او اصارخ وتكرر هالشي والله 3 مرات راسي يصفق في الجدار ماجاني النوم جلست ابكي م الالم اللي براسي يعورني راسي مره جا الصباح واستلمو الممرضات دوامهم وجا وقت الادويه وخلصو شغلهم ولفهم عالمرضى جلست عالايباد ع الكرسي وانا مدنقه راسي لتحت وربي يابنات واللي مايوفقني اني ان راسي ينسحب ع ورا وينسحب لين حسيت رقبتي بتنكسر احس راسي مشدود ع ورا ولااقدر انزله ودموعي تطيح من الالم دقيقه بعدما جلست اقرا بقلبي المعوذات ونزل راسي ومن وقتها احس راسي ثقيل وجسمي ثقيييل * بنات انا خايفه يكون فيني مس لان من فتره كان فيني وكانت بدايه الاعراض نفسها ذي اشوف اشياء اسمع اصوات انا خاييييفه مره *😭😭

رفع ~

بسم الله عليك
ارقي نفسك وحافظي على اذكارك وحاولي تصيرين دائما متوضيه وكرري الاذكار
بس انا بسالك الحين الخيال الي تشوفينه الي حواليك يشوفه والابس انتي ؟؟
الله يشفيك ويبعد عنك كل شر
اللهم صل على محمد

سواء كان فيك انتي شخصيا شي ولا مافيك لازم تمسكين الرقيه وبقوه
يوميا اقراي البقره والمعوذات واذا جلستي عندامك شغلي سوره البقره عادي خليها كل الليل بصوت خفيف تسمعينه
ونصيحه اذا شفتي شي لاتطلين من الشباك خليك على الرقيه وطول وقتك سمي واذكري الله واذكارالمساوالصبح

الله يشفيك ويعافيك ويرفع عنك ماأبتليتي به ويشفي أمك ويردها لبيتها بالسلامه
,,,,,
أرقي نفسك ولا تنسي أذكار الصباح والمساء وحملي سورة البقره على جوالك وخليها تشتغل عندك كل يوم
وبأذن الله مايضرك شئ إلا ماكتبه الله لك

,,
,,