شي غريب يحصل معي تعبت صراحه

نظمي نومك وخذي قيلولة ويمكن الحر يخليك تعصبين

ممكن لانك في هذا الوقت تسوي اشغال بيتك ف تكون اخلاقك واصلها حدها

شوفي يمكن بهالوقت تنضغطين من الغدا ومذاكرة العيال
انا عكسك
طول النهار اوكي
من يدخل المغرب تطلع شياطيني حسبي الله عليها
لاني اكون طول النهار مع شغل البيت و مسؤلية العيال في شد وجذب
ف احس من يجي اللليل طاقتي تنفذ
وابغى اروشهم واعشيهم وانيمهم بسرعه عشان اروق 😌

في الوقت ذا اقرأي قران..
بعدين حرام تعصبين في الوقت ذا لان اهل بيتك توهم يجون من التعب والارهاق و من الصبح وهم صاحين ..
عامليهم مثل ماتحبي يعاملوك..
ولا تقولي فيك جني !! تري مافيك الا العافيه..
( واللي يعصب بدون سبب هم أكثر عرضه للجلطات ..)
وسوي رياضه عشان اعصابك تهدا.
واذا مافي فائده قفلي عليك في غرفه ولا تطلعي منها الا قبل المغرب..
عشان يسلمون منك ،، وانتي تسلمين من الجلطات..

وعليكم السلام ورحمة الله وبركاته

هذا الوقت وقت الذروه خاصة اذا عندك زوج واطفال راجعين من دواماتهم او صاحيين من النوم وانتي ماشبعتي نوم وتركضين بالبيت عشان تنجزين اشغالك وتجهزين غداك وما افطرتي ولا تقهويتي ولا ارتحتي طبيعي جداً الاخلاق تكون تجاريه وواصله لخشمك ..
رتبي جدولك ونومك وافطري زين وتقهوي وعيني خير وبتشوفين نفسك متصالحه مع الواقع ومروقه

واشربي حاجات تهدي اعصابك مثل ينسون او بابونج او شاي اخضر او اعصري ليمونه في كوب مويه وحليه بالعسل واشربيه

وافتحي نوافذ البيت خليه يتهوى الصباح

وبعد شغل البيت والطبخ والنفخ خذي حمام دافي يعطيك انتعاش

وبعد او قبل الغداء بخري البيت وعطريه بريحه تروق اعصابك مثل المسك او اللافندر او الروايح اللي فيها فانيلا وبودر حاجات لطيفه على النفس والمخ

سبحان الله حاجات بسيطه لكن تأثيرها قوي على النفس