السلام عليكم ورحمة الله وبركاته
كيف الحال إن شاء الله الجميع بخير
ابقولكم باختصار قصة عمي الله يرحمه ويغفر له
عمي كان رجال طيب حبيب ملتزم ومتدين مره له عدة ابناء من ضمن أبئاه كان عنده ولد وبنت معاقين كان هو اللي قايم بالولد يوكله ويغير له ويشيله ويحطه لحد ما مات ولده وعمره فوق الثلاثين
وعياله كل واحد له حكايه ماراح اوضح لانه ماله داعي
كان حبيب وبشوش وكريم ومايمرمن عنده طفل إلا يعطيه شي من حلاو يشيله في جيبه
المهم يابنات من سنه ونصف او اكثر شوي
صار فيه من كبرسنه هذره اوخذرفه او مادري وش تسمونه صار يضيع صلاته ومايعرف اولاده ومايعرف شي
يعني رد إلى ارذل العمر يطلع ولايدري وين يروح
ويوم الثلاثاء اللي راح سبحان الله رجع عمي الاول رجع لحالته الاولى يسأل عن اعياله كلهم فرحوا اعياله وبناته واجتمعو عنده ويسولف عليهم سوليف اول يعني رجع ابوهم الاول وصلى بالمسجد
وقام آخر اليل ويتهجد ويقراء قران كاعادته اول وقال لزوجته ابنام شوي وقومين لصلاة الفجر
ونام ويوم جت تصحيه ما صحاء صار بغيبوبه ثلاث آيام وتوفى يوم الجمعه
الله يرحمه ويجعله في الفردوس الاعلى من جناته
تقول زوجته في ايام البرد هذي كنت اخليه بالشمس يتدفى واقتلب لون جسمه ويوم توفى كان ابيض بياض غير طبيعي
خواتي تتوقعون هذي اللى يسمونه صحوة الموت وصحوته هذي كانت حسن خاتمه
اخواتي لاتنسونه من دعائكم له بالرحمه والمغفره له ولجميع موتى المسلمين
ام برهومي النصراوي @am_brhomy_alnsraoy
محررة فضية
يلزم عليك تسجيل الدخول أولًا لكتابة تعليق.
الأميرة الألمعية
•
اللـه يرحمه برحمته ويسكنه فسيح جناته..
الصفحة الأخيرة