شي قاهرني ( اتقوا الله في الناس )

السلام عليكم ورحمة الله وبركاته

حبيت احكي شي كثير قاهرني هو الاستهانه باشياء بسيطه
انا زوجي كان اول يوصل مدرسه من منطقه بعيده مره اتفقوا على 2000 بالشهر المهم انه حصل مخالفه بسبب انه في يوم قالتله اسرع اتاخرت
وتقريبا كل يوم تروح مكان تشتري او تعدل لصديقاتها ومره تتاخر زوجي صبر لين نهايه الشهر عشان خسر بترول ومخالفه والا كان انسحب المهم لين نهايه الشهر رفضت تعطيه الفلوس وبعدما كلمها وقنع منها كلم اخوها بعدين اعطته 800 القصه لها تقريبا كم سنه ومع هيك زوجي مانسي ومقهور منها وكلما ذكر تحسب عليها لانه تعبته جدااااا وياليت اعطته راتبه
واللحين هو يروح احيانا يشتغل على برنامج مرسول المهم انه وصل مشوار وبالضهر ب 16 ريال حكتله الحرمه لين يوصل تبغى تكلم صاحب المحل ايش تبغى قلها هي تتصل لانه ماعنده رصيد قالت طيب لكن لين وصل يرن لها ماتتصل فاضطر يتصل وخسرته ب 3 ريال رصيد مرررره انقهر لانه مرسول ياخذ 20 بالمائه وبترول فطلع مو كاسب شي وصارت معه هالشغله اكثر من مره
كمان زوجي يشتغل ب 3 الف مايسلموهم الراتب الا بعد شهرين واحيانا ازيد حتى هلا معانا عندهم رواتب حق 7 شهور وكثير تعبنا من الوضع والديون لكن ابد مافي احساس بالعمال
حسبي الله ونعم الوكيل فيهم والرسول يقول اعطوا الاجير اجره قبل ان يجف عرقه
انا حكيت هالكلام لانه يمكن فعل بسيط ينظلم فيه شخص اتقوا الله في الناس لانه تشتغل وتكافح عشان تعيش وتسدد ديون اللهم لاتحوجنا الى احد
انا هالشي قاهرني احس ماعاد يهتموا بعض الناس بالاخره او بظلمهم للناس اليوم على الدنيا وبكره بالقبر

دعواتكم الله يسعدكن بالدنيا والآخرة