الموية بالضبط كاني ضب مااشرب :)

ترطيب الجسم بعد الحمام

فرد شعري

مااستعمل كريمات واقيه

انام بالمكياج

كل اخطائكم مرت علي

:) :)

الله يعين

ما اهتم بنفسي ابد
لا خلطات ولا غيره
ولا حتى ترطيب لا للبشره ولا للشعر

- قلة الحركة والنوم واﻷكل لهدف التسمين بأكل الدهون والنشويات يخلي الجسم يخزن الدهون في اللغلوغ والزنود والساق حتى لو كنتي نحيفه يصير شكلك رخو ما يبين إلا إذا تمددتي على السرير

- ابتعدي عن الزبادي وزيت جوز الهند وزيت حبة البركة (ﻷنه مركز وحار جداً يحرق حرق) وزيت اللوز الحلو ومنقوع الحمضيات وقشورها وأي أقنعه طبيعية غير مجربة من أمك أو جدتك أو اهلك وشفتي ايجابياتها بعد ما كبروا. جربتهم وتدهورت والله ضحكت على نفسي يوم قريت وحده كبيرة بالسن تقول لحفيدتها حنا مب مثلكم نتعبث بوجيهنا بشي مب مجرب من سنين وشفناه، وممثلة أجنبية فوق الـ 40 سنة تقول أنا ما اقعد اركض ورى الكريمات واجرب لا عندي نظام مناسبني خلاص امشي عليه كل عمري ما اتعبث 🐸
- إذا بشرتك دهنية وودك تحطين زيوت لازم تعرفين إن كثرة الزيوت على بشرتك يسبب ترهل (خطوط تحت الجلد) لو ناويه تجربين لازم تحطين مسحه خفيفه جداً بعد سحب الفائض منها بمنديل

- إذا كنتي بالثلاثين لا تتهورين بالخلطات ﻷن هالعمر يبين فيه اﻵثار الجانبية ﻷي خلطة بسرعة البرق بظرف شهر أو شهرين 💔
- أي كريم أو مستحضر تلقون الناس هابه فيه وغالي ابحثي عنه واقرأي مكوناته إذا لقيتي بدايته زيوت معدنية ونهايته زيوت نباتي عادية ممكن تلقينها عند العطار بعشرة أو عشرين فاغسلي يدينك منه ﻷن الفازلين يكفي عنه خاصة استي لودر ﻷنه يعتمد في منتجاته على الكركم
- أي كريم أو غسول مكتوب عليه لا يسد المسام أو يبيض أو .. إلخ لا تنغشين بالعناوين لازم تقلبين المحتويات وتشوفين هل المواد فعلاً فيها مواد لا تسد المسام، ﻷن فيه دول أجنبية منتجه ما عندها رقابة على العناوين وإنما تحاسب على ما يوجد خلف العلبة فقط ! انتبهوا تروح دراهمكم على الدعايات
- وأخيراً نصيحة الجدات سواء العربيات أو اﻷجنبيات لا تحطون صابون أو غسول على الوجه أو مكياج ماعدا الكحله والروج لو كنتي تبين تحافظين عليها شابه أطول وقت ممكن