السلام عليكم
حياكم الله
اليوم رحت الخدمة المدنية بالرياض بطابق اوراقي لكن تفاجات بعدد مهووول جدا من المرشحات فوق وتحت وبرى
وصلت على الساعه 8
توقعت بلقى ترتيب وتنظيم شفنا الموت
تدافع من قبل المرشحات
عدم مسئولية من المسئولات
المرشحات في البداية كانوا صافين طابور واللي جو بدري على الساعه 6 نقلوهم لفوق حتى تتم المطابقة
لما تنظموا قالو الكمبيوتر عطلان تعالوا بكره
كيف عطلان وابنات فوق يطابقون حتى وحدة من البنات اللي فوق قالت بصوت عالي خذو ارقام كذابين النظام ماهو عطلان
:confused:المرشحات قاموا عليهم فيه اللي جاية من الحوطة وجدة واللي مسوية عملية واللي ظروفها الله يعلم بها رفضوا نهائي يطلعون واسمعوا الصوات والزعاق :eek: انا بصراحة صرت متفرجة وهجيت
للاسف الكونتر ماعليه الا مسئولة وحدة ولاتعطيك وجه بس تقول تعالوا بكره النظام عطلان ومرات تقول زان النظام صفوا طابور ومرات النظام عطلان وهكذا
ومرات صفوا طابور بنعطيكم ارقام لما يصفوا طابور يتركوهم ويرحو يعطو ارقام عشوائية
والله ان احد المسئولات مسكت الارقام مجموعة بيدها ورفعتها فوق وهي ماسكتها وشوفي البنات وشلون يتناقزون عليها ويتساحبون لاموقف البنات ولا الموظفة كان حلو والله عيب :unhappy:
وفي الاخير هالارقام اللي وزعوها على بعض البنات وبشكل عشوائي ماتقيدو بها
وكل شوي يتنقلون بنا من قاع للقاعة كل ماوصلنا قاعةقالوا هنا المطابقة لحد الساعه 11 واحنا على هالحال لحد ماظفشوا البنات وقالوا انا ماراح نطلع الا لما نخلص
واظن الموظفات استسلموا للامر الواقع
صفو البنات ظوابير وبدو يطابقون لكن للاسف يدوي ؟؟؟:unhappy: الله يخلف علينا نسمع بالتطور ووقعونا وبعدين قالوا مافيه سند نعطيكم اياه يثبت ان احنا تسلمنا منكم اوراقك ؟؟؟ بنكلمك خلال هالاسبوع ونبلغكم اذا الاوراق متطابقة ولا لا لان الان مانقدر نطابق الاوراق لان العدد مهووول
ونبلغكم اذا متطابقة تعملون فحص طبي هذا للاداريات ام التعليمي مالهم فحص طبي
طبعا انا راح يكون لي رجعه لهم مره ثانية لاني ماثق فعلا بكلامهم لازم يدخلون البيانت الاليا ويعطوني ورقة باستلامها ؟؟؟؟
حبيت ابلغكم باللي صار شي محزن يحصل في بدل مثل بلدنا
النافشة كشتها @alnafsh_kshtha
عضوة فعالة
يلزم عليك تسجيل الدخول أولًا لكتابة تعليق.
ولع21
•
اي اداره انتم ياااختي لايكون الطائف لان زميلتي بتروح اليوم ومسكينه حامل بالشهر الاخير
انا مثلك رحت ادارة الرياض قسم بالله شي يحزن ويروع الموظفات تعامل سلبي جدا لاتنظيم ولااهتمام بالاخير وزعوا ارقام وقالوا تعالوا بكرة او الى اخر الاسبوع مفتوح انا اخذت ورقه رقم وبكرة بروح الله يستر لايكون يحسبون علي اني ماجيت اطابق
في كل مكان حتى عندنا بالاحساء
انا ماطلع لي اسم
لكن خابرته ع السنوات الللي مضت
والله فوضى
اذكر وحده تقول راحت تطابق
وتطلع الموظف من المكتب تصارخ
فلانه الفلاني مطابقه
فلان الفلاني غير مطابقه
ودخلي وصكي ع روحك المكتب
وخلي البنات ياكلون في بعضهم ولا احد قادر يفهم السالفه
فوضى x فوضى
انا ماطلع لي اسم
لكن خابرته ع السنوات الللي مضت
والله فوضى
اذكر وحده تقول راحت تطابق
وتطلع الموظف من المكتب تصارخ
فلانه الفلاني مطابقه
فلان الفلاني غير مطابقه
ودخلي وصكي ع روحك المكتب
وخلي البنات ياكلون في بعضهم ولا احد قادر يفهم السالفه
فوضى x فوضى
الصفحة الأخيرة