شي مايتصوره عقل وين اهلهم عنهم هالمراهقين والشباب

السلام عليكم ورحمة الله وبركاته

انا مستغربه من حال بعض الناس والاهمال الكبير لأبنائهم

اشوف مراهقين وشباب بالشوارع استغفر الله العظيم لا ادب ولا تربية ومجاهره بالمعصيه من حركات وقلة ادب

تصوروا كنت ماره انا وعيالي وقابلنا شباب مراهقين بالشارع ومعهم زقاير يشربون دخان ويأشر لي واحد منهم يشفط الزقاره ويطلعها من فمه تجاهي ويقول تبين هذا وانا بحشمتي ومتستره وام عيال معي عيالي

وواحد ثاني يفحط بحارتنا ويصدم بسياراتنا واذا قلنا له شي قال بلغوا عني عندي واسطه حتى لو دخلوني السجن اطلع اليوم الثاني انا مايهمني شي شفتوا الاستهتار وين وصل فيهم والواسطه حسبي الله ونعم الوكيل في كل من استهتر بحياة الناس

اعرف اسر كثيره تيتموا عيالهم وترملت نسائهم بسبب مراهق اوشاب متهور مستهتر وش ذنب اسرته يتيتموا عياله

من امن العقوبه اساء الادب

يا امهات خافوا ربكم تراكم محاسبين على عيالكم راقبوهم وجهوهم علموهم شوفوا من يخالطون وش يسوون

اما انكم تخلفون عيالكم وتتركونهم للشوارع وتربية الشوارع والله حرام

اللي مو قد التربية والاهتمام لاتتزوج وتجيب عيال وتجني عليهم وعلى البشر اللي يتضررون بسببهم

كلام من القلب قلته من شي شافته عيوني مايصدقه عقل وهذا غيض من فيض

الحمدلله الذي عافانا مما ابتلاهم به العيال امانه اماااااااااااااانه امااااااااااااااااااااااااااانه