شي متحسفة عليه ومسبب لك غصة في حلقك

السلام عليكم ورحمة الله وبركاته
مثل ما هو واضح في العنوان وشو الشي الي تحسفت عليه او تحسفت انك ما سويتيه لما كانت الفرصة بيدك؟
ببدأ بنفسي: قررت حفظ القرآن اكثر من مرة لكن ما كملت واول مرة كانت قبل ١١ سنة او اكثر وقتها كنت في الثانوي بس للاسف ما كملت الحفظ وحتى الكم الي حفظته نسيته، ومن فترة قررت حفظه والله ييسر لي حفظه، بس احيانا احس بالحسرة اقول لو بديت حفظه قبل ١١ سنة كان الحين وصلت حد الاتقان في الحفظ وتفرغت حق اشياء ثانية مع المراجعة المستمرة واحتمال كبير جات مشاريع علمية في راسي لكن للاسف ما حفظت ذاك الوقت
الامر الثاني قبل قبل خمس سنوات دخلت دورة علمية ننهي فيها خمس كتب علمية لمدة سنتين او ثلاث وانا ما كملت فيها والي يقهر انها كانت عن بعد يعني ما في روحة ولا جية لكن للاسف ما كملت وصراحة ذا الشي مسبب لي حسرة لو كملت كان شفت الثمرة الحين، معقول الغباء فيني خلاني اتساهل واترك كل هالاشياء؟ خصوصا ان الشغف والرغبة والحماس في الغالب يكون لها وقت محدد وما تصاحبك طول العمر اليوم عندك شغف حفظ بعد شهر يختفي يعني لازم نستقل الرغبة متى ما جات بس للاسف انا ضيعت كثير والحين انا اشعر بالحسافة في بعض الاحيان
بس نقول الله يعوضنا خير مما مضى