شوفو موضوع البنت اللي منزلته في منتدى ثاني وعلقو علية
قوة بالكويتي:27:
اهلا وسهلا بالسعودي:27:
ربي يفرحكم يارب بالولد الصالح ان شاءالله قريب يارب وان شاءالله برمضان وحناا حواامل
باقي دورة وحدة ويجي رمضان ان شاءالله مانشوفهاا ويصير فرحتنا فرحتين نصووم رمضاان كامل وحنا حوامل وعيالنا يصومون معنا فديتهم..
المهم موضوعي
بنات شي محيرني وربي
الاسبوع قبل اللي فات ابو زوجي توفى وسافرت معه عند اهلة المهم في جمااعه كبيرة من جهة اهلة اعرفهم وبعضهم صاحباتي قبل الزوااج
عاد السنة اللي فاتت تزوجو مجموعه من البنات 8عرايس مع بعض وكلهم اعرفهم وحضرت عرسهم بس انا لسا بنوتة ماتزوجت المهم
رحت العزا هذا الشهر والااشوفهم الــ8 مافي وحدة فيهم حملت؟؟ انا تعجبت وصرت افكر
المهم وجابو طاري الحمل وكل وحدة تقول شنو سبب تاخيرهاا اللي تقول هرمون حليب واللي تكيس واللي زوجهاا ضعف وكلهم اسبابهم بسيطة
معقولة اسبابهم بسيطة وماحملو لحد الحين
وشي ثاني ماتشوفون يابنات ان كثير يتزوجون من البنات وكثير مايحملون؟؟والله افكر اقول امكن حاطين لنا شي بالاكل يمنع الحمل او شي ناكلة يمنع الحمل
مومعقول يتزوجون 50عروس ماتحمل منهم الا 30 او اقل
انا فاتحت الموضوع مع وحدة امون عليها قلت لها اكيد في سبب معين لتاخر البنات بالحمل اجدادنا اول وامهاتنا ليش ماعندهم هرمون حليب يرتفع.؟
ليش ماعندهم تكيس وضعف تبويض؟.
ماشاءالله ربي يقويهم وحدتهم عندها 15 وفوق
هذي امي الله يخليها لنا حبيبة قلبي عندها 16 وااحد ماشاءالله ربي يخليهم ويزيدهم طااعه
وخالاتي من طقة امي كل وحدة عندها عدد كبير ماشاءالله
عجايزنا بعد
ليش هالجيل بالذات كثرو اللي مايحملون؟ويتاخرون بالحمل؟شنو السبب
والله امنيتي اعرف السبب؟انتو مثلي بنات او انا موسوسة انه في سبب يمنعنا
المهم اكمل السالفه وانهي الموضوع قبل لايطول لاني احب القرقرة :hahaha:
وقالت عام 2008تزوجو من مدينتهم (طبعا معارف واقرباء)100عريس وعروس يعني حفل جماعي وتقول ثنتين من خواتها معهم
تحلف تقول مافي وحدة حملت منهم الــ50 عروسة واخواتها ثنتين منهم
يعني شي غريب والله..
هذاني انا شموسة تزوجت قبل 9شهور ومعي 13 وحدة والله اللي حملو منهم 3فقط ربي يتمم عليهم
بنات موتفهموني خطا موقاعده اراقب الناس بس اللي تزوجو معي تقريبا كل اسبوع اشوفهم اقاربي وجيرانا
ممكن احد ينورنا ويقول شنو السبب ؟وانتم كذا بجماعتكم كثرو البنات المتاخراات او بس انا اشوف كذاا:mad:
وشنهي الحكمة لايكون اكلة معينة ناكلهاا او مشرروب مثلا
والله محتاارة:mad:
الذريه مكتوبه للانسان قبل مولده والله مقسم الارزاق
ولاعلاقه للاكل
والدليل نساء فلسطين
عمل اليهود كل وسائل المنع بالشراب والطعام ولافاااااائده اعدادهم كبيره ماشاءالله ومعضم حملهم توائم بشكل طبيعي
ربما ذنوبنا حجبت عنا الرزق وربما هو ابتلاء ونحن ان شاءالله صابرون