شي من القلب وطلع ❤

مساء الخيير
دايم نظن ان الحياة تمشي ع نمط معين وع وتيرة وحدة ونفس الشي اللي حصل امس حيحصل بكرة
فجاءة يجينا حدث يغيير مجرى حياتنا من.. إلى
نتعايش معه فالبداية ع انه ازمة وتعدي والمصيبة الاكبر لما هو مازال مستمر بمرور الايام
نحاول الخلاص بكل الطرق الممكنة ..لكن للاسف انقفلت الابواب ..
وقتها تعرف مافي مكان حيضمك ويأويك غير الرب اللي قصرت بطاعته كثيير..
وقتها بتعرف صديقك ميين فيهم شفت اللستة اللي عندك ممكن يكونو مية صديق حتلاقي المستحق بكلمة صديق واحد او اثنين لكن صدقني ماحيتعدو اصابع يدك
و بتلاقي اللي كنت تعتبره كشخص عابر بحياتك بتتفاجأ منه بعطااء ماراح يقدمه لك حتى القريب
قدم لك معروف من الصعب انك ترده لانه ماينرد اساسا لان معروفه اغرقك من راسك لاخمص قدمك
قدمه لشخصك انت مو لمصلحته لان هالمعروف ماينرد غير بالدموووع والدعاء له وقتها تلوم نفسك ع كل ظن سيء كنت تظنه بهالانسان لانه جماله فاق تصورك
هالحدث خلاك تعيد حساباتك مع كل شي ..
خلاك تعرف بعض الامور اللي كنت مغتر فيهاوتشوفها صح وهي راس الغلط
علمتك هالتجربة انه مافي شي حيبقى ثابت ع حاله كل شي قابل للتغيير
الوحيد اللي مايتغير( ربي وربك)
مدمت عايش بهالدنيا مافي مستحيل بتلاقي نفسك تمر بأحداث مختلفة ماكنت تتصور بيوم تمر فيها
مكانتك بالمجتمع ..وآرائك اللي الكل يآخذ فيها ..وهيبتك بين الناس مع هالتجربة تحس ماعاد لها مكااانة عندك كالسابق دام هالحدث المؤلم مستمر بحياتك
حتى دعواتك البسيطة اللي كنت تدعي فيها بتتغير
ليش!؟ لانك تمر بشي مر خلاك بس مثبت نظرتك على هالأمر وانه يخلص وينتهي وترجع الايام طبيعية كما كانت
وكأنك قاعد تناظر لنفسك تناظر الايام تعدي عشان تشوف وش حتكون حتكون النهاية!
وكأنك تقول خلاص انا مستعد للمفاجآءت مافيه شي بيوجعني اكثر بس ابي اناظر واشوف النهاية
هالحدث اذا قدرت تآقلم نفسك مع الحياة بعدها وترجع للحياة بهيئتك السابقة بنفس المشاعر بدون اضطراب يخالج شعورك بنفس السعادة بدون التفكير للقادم ... بنفس الاقبال ع الحياة بالسابق فأنت شخص عظييييم جدا لانك اجتزت شي اكبر من كلمة صعب


ادري انكم م تعرفو عن ايش اتكلم ...طبعا ( تجربة مرضي )هي اللي غيرت نظرتي لكثيير امور ....وان شاالله اني اجتاز هالفترة بكل مافيها ❤❤
شي من القلب وطلع ..
والله يفرج عنا وعن كل مهموم ويشفي كل مريض اتعبه مرضه 💔