شي مهم ومن زمان كنت ابي اقوله لكم

مرحبا يابنات عالم حواء
شخبااااااركم وشلون صحتكم
بصراحه انا من زمان كنت ابي اقول لكم عن هالتنويه وانسى .. طبعا بتكلم عن حاجتين:
الشي الاول : في بنات جزاهم الله خير يكتبون ادعية في المنتدى من دون التأكد من صحتها وللاسف الشديد في ادعيه كثيره كتبوها البنات غير صحيحه ومجموعه كبيره من الادعيه ارسلتها لداعيه وقالت لي انه هذي الادعية غير صحيحه.. عشان جذيه ياحبايبي مب كل دعاء تسمعونه او تقرون عنه على طول تنقلونه في المنتدى وياريت لو تتأكدون من صحة الدعاء قبل النقل والكتابه وفي مواقع مضمونة مثل موقع صيد الفوائد يعني تقدرون تنقلون الادعية من هالموقع لانه موقع مضمون وهناك مواقع كثيره مضمونة .. يعني انتبهو بعد مب تنقلون الدعاء من اي موقع او من اي منتدى او من اي قروب.

الشي الثاني: اللي حابه انها تنقل موضوع وتكتبه لنا ياريت لو انها تكتب في النهايه منقول من اي موقع طبعا يكون افضل..

هذا التنويه لوجه الله ولكم لانه في بعضكم يظن انه بيحصل حسنات من النقل ماتدري انه بالعكس يمكن تكون أضرت بالآخرين عشان جذيه الله يعطيكم العافيه تأكدو قبل ....

وشكرا