شي يحزن والله

السلام عليكم ورحمه الله
ندخل الموضوع على السريع : مادري اذا انتو ملاحظين هذا الشي على اخوانكم او عيال اخوانكم حتى بعض البنات الله يهديهم وهي انهم معد صارو يهتمون بوالديهم ويجلسون معهم البنات تلقين كل وحده قافله عليها الغرفه و الأولاد من عمر 17 الين يكبر دائما مع زملائه ليش احس هذا شي مؤلم للوالدين امهاتنا وابائنا يحتاجون مننا الأهتمام و السوالف والضحك و الفرفشه والله العظيم عورني قلبي في رمضان امي تترجى اخواني يجلسون يفطرون في البيت وبعد الفطور يروحون عند زملائهم يقولون لا ويطلعون مع الزملاء رمضان طوال ولا واحد من اخواني جلس يفطر في البيت انا وامي وابوي على السفره فقط وعمتي نفس الطريقه عندها 6 بنات و 3 اولاد البنات قافلين على نفسهم الغرف نادراً مايطلعون تقول عمتي طفشت زهقت واذا جيت عند بناتي اسولف معهم يقولون يا امي اطلعي من الغرفه نبغى نكلم صديقاتنا و الأولاد مع اصدقائهم ليش تغيروا كذا احس هذا الشي مخيف صراحه ليش مايغتنمون الفرصه دام اهلهم لسى عايشين والله العظيم اكتب لكم وانا ابكي 💔 الام والاب دائماً لحالهم عيالهم لايسولفون معهم ولا يجلسون معهم الله يجعلنا من البارين بوالدينا فعلاً جيييل يخوووف وهذا الشي واقع وانا عشته وشفته بأم عيني الكل الحين صار يشتكي من عياله وبناته