شي يحزن ويضحك بنفس الوقت

يا خواتي عندي بنات خالتي عليهم خباااااااال وثقه وشلون تجي ما أدري
اعطيكم نبذة عن حياتهم ابوهم كبير بالسن وناس على قد حالهم بعكس امي كانت مقتدرة ما شاء الله وما قصرت معه بشي ابدا كل شي يبونه توفرة لهم سوا اكل والعاب واجهزة تخيلو لما نروح منتزهات او كشتات لها سيارة مع سواقها اللي هو اخوي خاصه بعايلتهم بحكم ان اخوهم صغير وابوهم كبير وما نقصهم عنا شي ابدا حتى روحة السوق معنا وامي مشت لهم راتب شهري لما كبرو وتسنعو وتوظفو وقالو لها العيال خلاص يا خاله جزاكي الله خير ما قصرتي
والحين بنات خالتي ناكرات الجميل من تزوجنا يعتبرنا عدوات والعيال للحين ما ينسون جميلنا كلنا ولما جت زيادة الراتبين الاولاد عطو امي من الزيادة قالو ماننسى فضلك البنات ما شافت امي شي
الحاصل بنتهم اتزوجت قبل سنتين واحد مو من جماعتنا وامي ارفضت وتحذر خالتي بس خالتي رصو عليها بناتها وما ردت على اختها لانهم ناس اغنياء وامي تصيح عليها ما تنفعكم فلوسهم اذا طلع الولد مو صالح امي مو مرتاحه ابد
وهم مايطلعون ولا يروحون زواجات ولا يعرفون الاصول ابد
رحت عندهم للبيت وكانت طالبه كاوفيرا للبيت وكان الكهرب ينقطع وانجنيت عليها روحي للمشغل افضل ما ردت علي الحاصل حنا عاداتنا الزفه 9 ونص والساعه 6 طفى الكهرب والكاوفيرا ماجت وانجنيت ولا احد رد علي ابد عندهن ثقه وبرود جت الكاوافيرا قلت تعالي لبيت امي اللي هي خالتها رفضت راحت لبيت اختها المتزوجه من واحد مو من الجماعه وساكن فوق اهله قلت لها وشلون تنزفين من بيت الاجنبي وبيت امي قريب ماحد رد عليه وتعالي شوفي ما يشاورون ولا يردن رحت غصب عنهن خفت يفضحوننا مع الاغراب وتخيلو جت عشرة ما خلصت رحت اشوف ثوبها ولقيته معفس مو مكوي بغى يغمى علي انجنيت الحين الزفه والقصر بعيد والفستان والطرحه مو مكوي واخذة وركض للكواي وب 100 ريال قلت عادي بس بسرعه تخيلو انا متوتره وهن يسولفن ويضحكن خباااال ما شفته واهل العريس يدقون واهلها يدقون الحاصل خلصت 11 ونص ورحنا وصلنا 12 ونص وانزفت وخلصنا بعدها بسنه تتطلقت اللهم لا شاماته طبعا انا اصغر وحدة فوقي ست خوات ما يعرفنا الا اذا صارو بمصيبه يقولون مالنا غيركم واذا تعدلت امورهن عطونا ظهر وكل يوم اتصالات وصار وصار ساعدوني وساعدوني بعد الطلاق عطونا ظهر
بعدها تزوج اخوهم وكل ما قلنا وش سويتو خلاص حجزنا وبس ما يبون يعلمونا عن اي شي
قبل العرس بيومين سألنا خالتي عن الحلويات قالو ماحجزنا ليش الناس يجيبون انجنينا انا وخواتي يحسبون نفس اول الحين المعازيم يجون بيدينهم واروح واحجز انا وخواتي ويوم العرس طلع اشياء واجد ناقصه حتى الماء ما فيه وما شاء الله ما قصرن خواتي كل وحدة ترسل سواقها من جهه وتم بخير جاء العشاء وطلع ناقص وخوالي كل واحد بمطعم يزودون العشاء وكمان تم بخير تشكرونا وخلاص
قبل امس زواج نفس البنت اللي تطلقت قلنا ماراح نتدخل الا لما يطلبون منا سالتها باي مشغل قالت مشغل بالحي الفلاني يعني ما تبينا نعرف سكتنا قلنا مو لازم يوم الزواج تخيلو حضرنا كلنا قلنا لازم نشد وجهها قدام اهل زوجها وكلنا حريمها و و و
تخيلو دخلت القاعه وباب القاعه على طول بصالة المعازيم وظلت واقفه رفضت تدخل تبي تصور مع خواتها بالغرفه والغرفه مقفله وما حصلو مفتاحها تخيلو بردة الوجه وهي ولا على بالها والناس تناظر كأن محد يبيها ولا احد استقبلها ضلينا ربع ساعه اخر شي اختي اخذت الشريط غصب وشغلتها وزغدتنا ودخلنها غصب وخواتها زعلانين تخيلو هي بنت خالتي يعني الفشله على امي مو عليها لانهم النا عارفينهم ما يعرفون ويشرهن على امي تسنعهم بالعرس طلعت حلوووة ما شاء الله سألت اختي اختها وش اسم المشغل قالت والله ما ادري قالت اسمه بس نسيت بس هو بالحي الفلاني افخم حي عندنا قالت اختي مو لازم نعرف لانهن ما يبون نعرف
ثاني يوم دقت صديقتها علي قالت كيف العروس قلت والله تمام ما شاء الله وانا بالحقيقه ما ادري قالت صراحه كاوفيرتها حلوة واخذت رقمها قلت زين ما شاء الله رحتي للمشغل قالت لا الكاوفير جتها للبيت انا سكت ما قدرت اتكلم قالت ليش ماجيتو تزفونها قالت هي مستحيه وصرف الموضوع
وش رايكم بالهانوعيه من الناس الله يسامحهم