شي يحير صراحه ! المتاخرات في الحمل

السلام عليكم ورحمة الله

كيف حالكم ان شاءالله انكم بأفضل حال
حبايبي حبيت نتناقش في الموضوع هذا ونتوصل للاسباب والحلول برضو
لأن الوضع لاحظته زايد عن اللزوم ومستغربه
مابطول عليكم
ماتلاحظون غرف الانتظار للمبنى العقم او مباني اطفال الانابيب سلوكيات الحريم مختلفه عن بقية المباني يعني تدخلين حقين الاسنان تحصلينهم مصدعين وتدخلين حقين السمنه مشغولين بالجوالات
الا المباني اللي ذكرتهم سابقا الاحظهم يسترقون السمع كثييير ترى انا متاخره بالحمل واتضايق
جدا لان في مشاكل صحيه اتحرج احد يسمعها
سواء في خاص او حكومي احصلهم واقفين عند الباب يتسمعون طيب عيب اعطي المريضه خصوصيتها
لا تقولون توسوسين ترى جيت بعد فتره لقيت الدكتوره حاطه لافته مختصرها اجلسي عشان خصوصيه المرضى
او اذا دكتوره كلمتني بالسيب تحسينهم مركزين اكثر منك ! يعني تخيلو يسولفون اذا سمعونا نتساسر هدوء ويطالعون 🤣🤣
ولا انا اجلس ما اكلمها تلف علي انتي وش قالو لك ؟ ليش انتي تعرفيني ليش انا نفس حالتك ؟
طيب انتي مقبله على الدكتوره وفي مستشفى
تسالين الحريم وتنبشين والله ياناس انهم يسببون احراج
بعضهم صوتها عالي وتنبش ورا الحريم وتسوي لها قلق لاااا مايصلاااح لاا تتفلسف عليك
ترى الرزق والروح لو ربي كتب انها بتجي بتجي لا ترهقين نفسك وترهقين اللي حولك