كيفكم حوئياااات
عارفه حالتنا وان احنا ندور عن كل جديد يسهل علينا التنظيف ويناسب الميزانيه
فحبيت افيدكم
للأمانه ان شفت هاذي الطريقه في برنامج دكتور وهي كيف تسووين مناديل معقمه في البيت لكن انا قلت بسووي مناديل معقمه ومنظفه وملمعه والحمدالله النتيجه كانت مرضيه
فادتني بتنظيف البقع بالأرضيااات وفي تنظيف التسريحات وتعقيم سرير البيبي ومسح الكومدينات وبماان عندي بالشقه جدار ابيض اذا بقع او صاده شي على طول امسح وينظف
الاشياء اللي تحتاجينها كلها من البيت وتقدرين تحطين اللي ناسبك انا راح اوريكم طريقتي بالضبط
مناديل يستحسن تستخدموون الرول الخشن واذا ماعندك هاذي اوكي
كلوركس >> للتنظيف
ديتول الأخضر او البني كلها سيم سيم>>للتعقيم
بيي اويل>> علشان يعطي لمعه وماتجف المناديل
ماء>> لأنها مناديل مبلله ههه لازم مويه
علبه المناديل المبلله للأطفال مو شرط هي تقدرين تاخذين اي علبه بلاستك ثانيه
طبعا انا لماسويتها حطيتها بعلبه لكن الأحسن تحطينها بطش >>والله ماادري شتسمموونه انا اسميه كذا
اواي شي ثاني على شان المناديل تتشرب المنظفات والمعقمااات
وتبدين تصبينها طبعااا انتبهو تكثرررون وخصوصا من المويه خلوها تبللها بس والبيي اويل بعد خلوها يبللها تبليل بعدين تصبوون المكونات وتحاولون تقلبون المناديل علشان يصيدها كلها>>احس اني اوصف طبخه
انا لما سويتها كثرت المويه وصرت لما اشيل المنديل يتقطع فسكرت العلبه ونسيتا تقريبا اسبوع ونص وبعدها طلعتها وطلعت ممتازه
راح اوريكم كيف فادتني
هذا امس انكب شاي تلقيمه وماانتبهت له الا اليووم وجف على الرخام شوفو بالصور الأولي كيف كان الرخام متوسخ وشوفو بالصور الثانيه كيف شال البقع
الحين شوفو كيف المنديل شال البقع شكله:35:
وبس اتمني افدتكم اخواتي ومانبي منكم الا الدعاء
ان ربي يسهل حملي وولادتي ويجعل اللي في بطني سليم معافى
وان ربي يرزق زوجي من فضله ويبعده عن طريق الشيطاااان
اللهم اجعلني مقيم الصلاه ومن ذريتي انك انت السميع العليم
اللهم اجعلني باره بوالدي وارزقني رضااااهم ياااارب
بنات اللي تحب تنقل موضوعي لمنتدى ثاني لتعم الفائده حلالها بس تكتب انهم يدعون لصاحبه الموضوع
واخيرا اتمني من قلب انكم تستفيدوووون
جزاك الله كل خير يارب