شي يضحك!!!

السلاام عليكم

صج لقالوا احنا الحريم ناقصات عقل ودين سمعوا هالسالفه كنت حاضره عرس وكان فالعرس وحده اعرفها متزوجه وكان العرس حق واحد من اهلها البنت للحين طبيعيه مافيها شي المهم بنص العرس دخلت الصاله بنت مثل القمر لاابسه فستان اسود ناعم وساتر مافيه شي من جسمها طالع البنت هذي تصير حبيبة زوج المره الاولى قعدت البنت بكل هدؤ تتفرج على البنات اللي يرقصون واختنا بالله الزوجه ماخلت اغنيه مارقصت عليها وتتدلع انا قلت بنفسي شفيها هذي انهبلت بس اللي انا لااحظته ان الزوجه محد يرقص معاها من بنات عمها بس اختها ترقص معاها (تعرفون احنا البدو بعروسنا لاارقصت الوحده يطبون عليها بنات عمها براقصونها هذي طول الوقت محد يرقص معاها الا اختها ) وطبعا رايحه راده على التواليت هي واختها وانا عيني على البنت اللي يحبها زوج المره البنت بهدؤ قامت تبي تطلع مسكوها بنات عم الزوجه بسلمون عليها جان يطلبون منها ترقص رقصت البنت مشاءالله تبارك الرحمن رقصها حلو ورقصوا معاها بنات عم الزوجه وقفت الزوجه واختها بعيد يطالعون للبنت وانا للحين واقفه اراقب الوضع شويه جان يحطون اغنيه ثانيه جان ترقص عليها البنت مع وحده من بنات عم الزوجه وفجأه جان تطب عليها ترقص الزوجه واختها انا شفت الزوجه رقصت مت من الضحك قلت صج انها انهبلت شفيها هذي ماهي شبعانه رقص الليله المهم البنت رقصت وطلعت من العرس كله بس يابنات حسيت ان الزوجه ماهي طبيعيه وباين عليها مقهوره من البنت مره ..