ماغيرها قلب ابيض @maghyrha_klb_abyd
محررة فضية
شي يعور القلب ..قصه واقعيه ..لحقي على اهلك قبل لاتفقدينهم
يبــــه .. ابــي مصروف المدرسه
يمـــه ...ابــي هذي اللعبه
يبــه ابي شنطه المدرسه وابي اطلب من المطعم .يمـــه ابي فستان و شباصات وبنسات وجزم..و...و...,و...و.....
يمه تخانقت انا وصديقتي ..يبه زوجي عصب علي .. يمه عيالي مايسمعون كلامي و...و..
يمه .. يبه .. يمه .. يبه ..... يمه .... يبه ... يمه ....يبه باااااااااااااااااااس خلااااااااااااااااص :mad:
وهذا حنا كبرنا وللحين بعد نطلبهم ونبيهم ينفذون طلباتنا ...... طيب وبعدين ؟؟!!!!
امي وابوي تحملوني
طفــله ....> ابتدائي....>متوسط...>ثانوي...> جامعه ...>وظيفه ...>زوج....> عيال ..وصلنا للثلاثين وبعضنا وصلت اربعين وتعدت وللحين تخليهم يشيلون همها ويحلون مشاكلها .>>>كل هالسنين وهم يداروني مايحبون احد يضايقني .. يدعولي بصلاتهم .. يراعون مشاعري .. يلبون طلباتي .. يبون يشوفوني احسن شي ..ودايم ينصحوني ويوجهوني للصح
بس !!!!
انا شنو عطيتهم بالمقابل ؟؟؟
بعضنا ترفع صوتها عليهم
وبعضنا ماتسمع كلامهم
وبعضنا تتفشل منهم اذا جوها المدرسه .. او عند بيت زوجها ..او قدام صديقاتها .. او دوامها
وبعضنا مقاطعتهم خير شر ماتبي تكلمهم ... كرامتها ماتسمحلها انها تعتذر من امها .. لان امها هي اللي غلطت بحقها :mad:
بعضنا تكملهم تليفون بس ..وبالسنه يمكن او بالشهر مره .زوجها وعيالها اهم من امها وابوها .. تفكر شنو تطبخ لزوجها شي جديد .. شنو تشتري لزوجها هديه .. تفكر شنو تفاجأ زوجها .. تفكر بأي مطعم تعزم زوجها .... يعني استغفر الله تحسها انخلقت علشان بس هالزوج .. امك وابوووووك وينهم في حياتك ( وبالوالدين احسانا )
وبعضنا تكبرت عليهم وشايفه حالها .. كل ما امها سوت شي قالتلها يمه هذا غلططططططط سوي كذا .. يمه قولي كذا
وبعضنا تنتظر ثاني يوم تروح المدرسه والا دوامها علشان تشتكي للبنات امها .. امي معقده .. امي ماتفهم .. ابوي جنني .. وطبعا صاحبات السوء شنو بيكون ردهم ( الله يعينك عليهم .. معقوله هذولا اهل .. انتي معاك كل الحق .. شوفي شنو اصلحلك وسويه مالك شغل بأمك ونصائحها .. امك موديل قديم وحنا 2011 .. جيلها غير عن جيلك .. ما اقول الا الله يهديكم :mad:)
وبعضنا تقولها صريـــــحه اووووووووووف منكم ... ( تخيلوا تقولها اووووووووووف (فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا) نست انه هذولا ربوها تعبوا علشانها .. ياما داروها وخافوا عليها .. ياما لبسوها ولعبوها .. ياما ضحكوها .وسهروا عليها . بس للاسف نست كل شي
هذا جزاتهم .. بعد كل هالسنين .. تجازينهم بهالطريقه .. تعاملينهم بهالاسلووووب ...(( وبالوالديـــــن احســـانا ))
والقصه اللي بكتبها الحين هي سبب هالموضوع .. والله شي يحزن يابنات :44:
الابو اشترى سياره لولده ... تزوج الولد .. ومرت الشهور بسلام ..
ومره خربت سياره الابو واخذ سياره ولده ( الولد كان اجازه ومافي دوام )
المهم صحى الولد من النوم مالقى المفتاح ولا السياره انجن .. عصب .. وين سيارتي .. منو اخذها :mad:
..قالوله ابووووك اخذها سيارته خربت .... تتوقعون شنو رده فعله سكت وقال يستاهل ابوي !!!1
قال والله بس يجي لأكسر راسه .. وفعلا جا الشايب المسكين والولد يتهدد عليه يبي يطقه .. تخيلو الولد ماسك عصا ويقول اذا فيك خير انزل والله لأكسر ايدك هذي اللي خذت المفتاااااااااااااااااااااااااااااح <<<:icon33: والله اني انقهرت .. ومرت الساعات يحاولون يهدونه ويبعدونه عن ابوه ..وبعدها بكم شهر توفى الاب :44:<< الله يرحمه ويسكنه الجنه .. وبعدها يابنات تقريبا شهر او شهر ونص .. صار حادث للولد السياره راحت كلها احترقت .. والولد ليومكم هذا عنده كسر بالحووض وقاعد بالفراش وعنده كسور متوزعه بجسمه .. وزوجته بدت تطفش منه
سبحاااااااااااان الله .. يبي يكسر ايد ابووه ..وربي كسر عظامه كلها
ابونا وامنا .. محتاجين كلمه حلوه مننا .. محتاجين نشوف مشاكلهم .. نساعدهم ..نخفف عنهم ..نوسع صدروهم ..( خلونا نلغي فكره انهم بس بنك متنقل .. وانهم بس ينفذون طلباتنا ويشيلون همومنا ويحلونها لنا )
حبوبات خلونا نفتح صفحه جديده مع اهلنا ....خلونا نفرحهم الحين بأتصال .. والا زياره .. والا هديه... يالله وربـــي اكييييد بيفرحون وراح تشوفين شلون الابتسامه والفرح بعيونهم .. وحاولي تبرينهم وهم حولك وافرحي بدعواتهم (لانها مجابه بأذن الله ).. علشان ماتندمين بعدين اذا ربي اخذ امنته ( بعد عمر طويل ان شاء الله ) وبتقعدين تتحسرين على كل دقيقه ضاعت منك لانك انحرمتي من كنز عظيم
خواتي وحبيباتي اللي فقدوا اهلهم او واحد منهم أسال الله ان يغفر لهم ويرحمهم ويسكنهم جنات النعيم ..( على فكره تقدرين تبرين اهلك بدعاء ...بكفالة يتييم..بصدقه جاريه -عمره -حج- وانويها لهم ولها اجر كبييييييييييييير بأذن الله وبعطيك بدل الدليل اثنين )
قال رسول الله صلى الله عليه وسلم: ""إن الله عز وجل ليرفع الدرجة للعبد الصالح في الجنة، فيقول: يا رب أنى يكون لي هذه؟ فيقول: باستغفار ولدك لك"" (رواه أحمد)
لقول النبي صلى الله عليه وسلم (إذا مات العبد انقطع عمله إلا من ثلاثة صدقة جارية أو علم ينتفع به من بعده أو ولد صالح يدعو له)
وانتبهي لايضحك عليك الشيطان ويقول ماله داعي صدقات يكفي دعاء .. اذا عندك تصدقي اعتبري نفسك شاريه فستان جديد او عطر .. ترى الدنيا فانيه وانتي محتاجه لحسنه تنفعك يوم العرض
عن النبي صلى الله عليه وسلم قال: { رغم أنفه، رغم أنفه، رغم أنفه }، قيل: من يا رسول الله؟ قال:
من أدرك والديه عند الكبر أحدهما أو كليهما ثم لم يدخل الجنة }
من أدرك والديه عند الكبر أحدهما أو كليهما ثم لم يدخل الجنة
من أدرك والديه عند الكبر أحدهما أو كليهما ثم لم يدخل الجنة
من أدرك والديه عند الكبر أحدهما أو كليهما ثم لم يدخل الجنة
( رواه مسلم والترمذي)
.
يالغاليات ارفعـــــــوا الموضوع علشان يشوفونه اكبر عدد .. ماتدرين يمكن نصالح بنت على امها وابوها ..ولنا ولك الاجر ان شاء الله
434
33K
يلزم عليك تسجيل الدخول أولًا لكتابة تعليق.
لاحول ولا قوة الا بالله
الله يهدي الشباب والمسلمين اجمعين
يارب اللهم اجعلنا بارين بوالدينا
واحفظهم لنا
قطعتي قلبي القصه
مشكوووووووووووره عالموضوع
الله يهدي الشباب والمسلمين اجمعين
يارب اللهم اجعلنا بارين بوالدينا
واحفظهم لنا
قطعتي قلبي القصه
مشكوووووووووووره عالموضوع
الصفحة الأخيرة
من لنا غيرررهم اغلى الحبايب
جعل يومي قبل يومهــــــم ...والله إن الوالدين نعمه لا يعرف قيمتهـــا الا من فقدهم
مهما قالوا تراهم ماقالوا الا لمصلحتك
مهما سووا تراهم ماسوووا ذا الشي الا لمصلحتك
منعوك من شي؟ تاكدي يالغاليه انه الافضل لكي في المستقبل
مرات يكونون ادرى منا بمصلحتنا
ليش لا وهم اللي ينفعونك بدون مصلحه وبدون مطالب يخافون عليك من قلب
لاهمهم الا شوفه عيالهم وبناتهم افضل الناس
ليه مانرفع راسهم فووووووق
ونحطهم داخل عيونا
ومانحط روسنا على المخده وفيه شي مضيق صدورهم
سألتك بالله تقدرين تنامين وامك ولا ابوك غضبان عليك
طييب ولو جاااااك ملك الموت في هالليله وش بتسوين؟..
بتقولين لحظه بروح اطييييح على رجولهم...لا تنسون ان رضاهم من رضاء الله
ربي تحفظلي الغوالي وتعيني على برهم مادمت حيـــــا