شي يقهر و يرفع الضغط و يحز بالخاطر

مادري شو اللي تغير واللي صار بس من اكثر من سنتين عرضت الدخون فالمنتدى للبيع بدون عينات نسبه كبيرة من البنات جربوه و استمرو عليه حتى بدون عينات و كانوا يبعثون لي بردودهم و اراءهم اما الحين يوم قمت اوفر العينات و اخسر فيها صارت نسبه قليله من البنات تطلب مع انها عينات مجانية بس مب هني القهر
اللي يقهر اني اتعنى و ارسل العينات و الله يعلم بظروفي و في النهاية حتى ما احصل ردود لا و بعد اطرش لهم رسايل اسألهم عن رايهم و اكبر طاف
ما وحده منهم تنزلت و ردت عليه طبعا هذا ينطبق على اغلب البنات بس هذا ما يعني اني اظلم البنات هو فعلا في بنات يزاهم الله خير كانوا يردون عليه بسطبعا ينعدون عالاصابع
وهذا غير البنات اللي من ورايه يسرقون زبايني و يقولون ان بضاعتهم نفس اللي عندي
والله قهر
والله انه تجارتي برع المنتدى ما يابتلي كل هالمذله و اكون مرتاحه اكثر
شكلي خلاص هذي اخر دفعه في مجموعتي و خلاص ما بعرضها مرة ثانية
والله يسامح الجميع