ش برنامجك بعيد الاضحى لزوجك واوﻻدك

مرحبا صبايا كيفكم كلكم
وكل سنه وانتوا طيبين وبصحه وسﻻمه يارب
المهم ماحب المقدمات الطويله امس قلت لزوجي قدام اوﻻدي انو ابي السوق عشان العيد نط ولدي وشكله فرحان بنروح لجدتي قلت ﻻ هذا عيد الاضحى بيجيب بابا خروف ونروح عند... وﻻ امداني اكمل اﻻ قال يوووه اعرف اعرف العيد اللي مو حلو:ohmy:
قلت ليه قال بس كنه عزيمه بابا يجيب خروف وتقطعونه ويجوننا عمي وﻻ نروح لهم وناكله وخﻻص نروح ننام انقههرررت مابي يحس كذا احنا بالعيد كل سنه عند واحد من اخوانه اللي موجودين معنا بالرياض هالسنه مو عندنا نروح وناخذ معنا من اللحمه والكبد ونفطر عندهم ونتغدى ونرجع بيتنا احيانا نرجع نتجمع بالليل واحيانا ﻻ ع حسب المزاج والمغرب ﻻزم امر اختي اعايدها بس و3 او 4 يوم نتجمع مع الجماعه بالاستراحه بس انا اللحين من امس مقهوره ودي اغير الفكره اللي ماخذها بس مدري اش اسوي له قولو لي انتوا ش تسوون بالعيد وعيالكم كمان مايحبون عيد الاضحى وﻻ طبعا عيد الفطر غير اوﻻ تجيه عيديات كثير من جدانه كلهم وعماته وخاﻻته وخواله عمانه ﻻ مايعطون:upsidedow وكمان البزران كثييييير والجماعه يتجمعون من صبح ويفطرون سوا وكمان المغرب يتجمعون الرجال الشباب مع اوﻻدهم وبناتهم الصغار وكل واحد يجيب العابه الناريه ياذن العشاء وماقد خلصوا واليوم الثاني نقوم من الصبح اروح ﻻمي ونعايد كل قرايبنا والبيت العصر مايفضى يعني فررررق فرق فرق طبعا فكرت نطلعه هالسنه بالليل المﻻهي وننادي عمانه بس قلت لزوجي وعيا يقول زححمممه مافيه انسي انقرت مدري ش اسوي له ابي يفرح بالعيدين كلهم .....