ش تسمون هالرجال؟؟؟؟

السلام عليكم
وحدة من صديقاتي توها مكلمتني وتشكي لي من زوجها
تقول انه طيب وحبوب
بس أحيانا تحس انه بخيل
وترجع تقول هو ما يقصر عليها
بس أحيانا يجننها على موضوع الفلوس
المهم
أقول القصة بالتفصيل
البنت كانت عند أهلها ما يقصرون عليها
وانفسهم كريمة
يعني ما يحرمون نفسهم وعيالهم
(مع انهم ماكانوا أغنياء, يعني حالهم مستور وعلى قد حالهم)
ولما تزوجت كانت موظفة في مدرسة أهلية
وزوجها كان بالساعات(يعني راتبه 1800)
المهم...كانت شايلة نفسها
وأهله كانوا يساعدونه في الاجار وأكل البيت...
عقب كم شهر ترك الوظيفة
وصبرت عليه وما أرهقته بالطلبات(لأنه متخرج من الجامعة و موعود بوظيفة)
لما حملت استقالت لأن الحمل كان متعبها (والمدارس الأهلية ماترحم)
وبعد ماولدت جته الوظيفة(قعد 6شهورفي البيت)
المهم
من وقتها وهي كل مااحتاجت شي أو طلبت سفر أو غيره
يقول حتى تزين الظروف(يقصد يرتفع راتبه)
الحين لها 3سنوات
وعلى نفس الحال
صحيح أنه مايقصر في الأكل والشرب والمطاعم
وقد سفرها كم مرة للشرقية ومكة(على يومين بس)
بس مايقتنع أن فيه شي يستاهل الصرف غير الأكل
يعني يصرف 400ريال على تيس صغير ومايتحسف
بس اذا بغت لعبة ب20 أو 30 ريال استكثرها
ومايعطيها فلوس في يدها(مالها مصروف)
ويقول اذا بغيتي شي قولي لي واجيبه
مع انه مستحيل يجيب شي الااذاكان مقتنع فيه
وما يقتنع بسهولة(يعني لازم تقعد كم شهر تحاول فيه)
والملابس في الناسبات بس
واذا عطاها فلوس مايرتاح حتى يخلصها منها
يعني يخليها تدفع الاشياء اللي تبيها
واذا راحت لأهلها ما يعطيها الا 200 ريال بالكثير(أهلها في منطقة ثانية)
واذا بغت أكثر لازم تفسر له وتقنعه
واذا خلصت اللي معاها
يسألها في ايش صرفتها
وهي محتارة معاه :icon33:
وماتدري هل هذا بخل أو لأ؟؟؟
على فكرة اللي يصفى من راتبه بعد التقسيط والأجار حوالي 3700ريال
المهم انتو ايش رايكم في هالرجال؟؟؟
وايش تسمونه؟؟؟