صابونة البابايا 4في1

بصراحه انا الصابونه اللي ريحني هو صابون البيت اللي سويته
وهو
صابونة جليسرين الشفافه البيضاء تباع بالصيدليه في منها شوي مصفره مبشوره
صابونة الكركم مبشوره او البابايا او زيت الزيتون
ربع كوب زيت لوز مر
ربع كوب زيت زيتون
ربع كوب عصير خيار(يعصر بعصارة الجزر ويصفى)
ربع كوب حليب سائل وربع كوب ماء ورد
يذوب الصابون مع الخليط على النار حتى تذوب وتتجانس ولما تغلي خففي النار واتركيها دقيقه وبعدين صبيها في قوالب الثلج واضربيها على الطاوله حتى تتماسك واتركيها 4 ساعات طبعا لازم تدهنين القوالب زيت زيتون
بعدها طلعيهم واتركيهم ليله مكشوفيه في الهواء حتى يجفوا تماما


لو حابه تبدلين صابونة الكركم بالبابايا انت حره بس البابايا بروحها تنشف وتشد والله اعلم


ملاحظه سمعتها من مريم نور كل مازاد الزيت في الصابون صار اكثر حمايه للبشره خصوصا لو الزيت طبيعي وموثوق عشان جذي ابتكرت هالصابونه والحمدالله مرريحتني


ملاحظه
لا يحفظ الصابون المنزلي بنايلون ابدا يغلف بورك الساندويتش ويوضع في مكان جاف
تورطت مره وغلفته بنايلون لقيته عفن

جزاج الله خير
طيب ما كو اسامي اذا حطيت بعدها لوشن البابايا بعد ينشف

وتسلمين على الوصفه حق الصابون الله يجزاج الجنه يا لغاليه

البابايا وايد ززززززززينه بصراحه خصوووصا للبشره الدهنيه :27:

لوشن البابايا ما جربته والله
بس انتبهي لأن بشرتك مادام ما ارتاحت على منتجات بودي شوب تصير حساسه
شوفي لوشن البابايا هذا لو فيه عطر لا تستعملينه
اي كريم معطر او لوشن تأكدي انه ينشف ويسود لأنه يحوي كحول تبخر الماي اللي بالجلد وتنشفه

والله اعلم
وياريت وحده مجربه ترد عليج

اشراق

honey-lipes

ماكو اسامي



ربي يخليكم لي

الله يجمعنا با لجنه ان شاء الله


يعني استمر عليها والالا



ردوا علي

والصابونه اللي تنسوى في البيت تضبط معاج يا ماكو اسامي

والالا