//// صابونة البقدونس ////

بصراحه أنا حابه اقولكم عن وصفه قريتها وهي " صابونة البقدونس" لنظافة ونضارة وتبييض الجسم والوجه. وهي عباره عن خلطه " انتي تسوينها بنفسك " وتستخدمينها في كل حمام .... وانشالله النتيجه تعجبك

انا جهزت الخلطه واستخدمتها اول مره أمس وطبعا ما في شي يبين من اول استخدام ولكن مبدئيا حسيت ان جسمي نظيف وشد معاي ( يعني الدليل ان الدهون والأوساخ اللي ما تطلع من الصابونه العاديه الصابونه هذي تشيلها.





ما أطول عليكم وهذي مقادير طريقة الصابونه:

2حبة صابون مبشور ( غار أو بابايا أو طاووس ) - لا يستخدم اي صابون آخر
نص شدة بقدونس طاااازج
1 كوب ماء ورد
1 ملعقه كبيره حليب بودره كامل الدسم
1 ملعقه صغيره نشا

الطريقة:
يوضع البقدونس ( الأوراق والسيقان) مع ماء الورد والحليب والنشا بالخلاط ويخلط جيدا
يوضع على النار ويضاف اليه مبشور الصابون
ويحرك الى ان يذوب الصابون ويتجانس الخليط
يصب في قوالب صغيره ( مثلا قوالب الثلج أو كب كيك الصغيره)
ويترك حتى يجمد .. يوضع بالثلاجه لحين الاستخدم

ملاحظه اضافيه: ممكن انك تجيبين ليفه وتقطعينها وتخلطينها مع خلطة الصابون قبل لا تصبينها في القالب عشان بعد ما تبرد تكون لك اهي الصابونه والليفه مره وحده عشان تفركين فيها المناطق الحساسه والوجه أو حتى الجسم


نصائح

- يفضل ان تغطي القوالب بالبلاستيك قبل صب الصابون حتى يكون سهل انك تشيلينه وتستخدمينه
احرصي ان القوالب تكون صغيره عشان كل مره تستخدمين قطعه وحده للاستحمام
لا تكون الكميه كبيره حتى لا تتلف لانك لا تنسين انك تستخدمين خضره طازجه
كلما كان الصابون مبشور وناعم كلما ذاب اسرع على النار
لا تستخدم الصابون العادي ( مثل دوف او لوكس او غيره) الا اللي ذكرته لكم بس وانا شخصيا استخدمت البابايا لاني اثق فيها وهذا اللي كان عندي.


يستخدم الصابون في المراحل الأخيره من الاستحمام __ يعني عقب ما تغسلين شعرك وجسمك وتخلصين تستخدمين الصابونه هذي وراح تطلع لك رغووه عجيييييييييبه وتغطي جسمك ووجهك كله .


وانشالله يا رب تعجبكم .. واللي مجربتها وعندها نصايح لااااااا تبخل علينا