صابونة الديتول..للي تعاني من حبوب الصدر والظهر

هذا الكلام من واقع التجربة وليس من عندي فقط بل 2 من خواتي وكم وحدة من صديقاتي جربوه..وهو صابونة الديتول (القطعة) تفيد في تخفيف وإزالة الحبوب اللي في الصدر والظهر وتحت الإبط بشكل كبير وبقولكم عن هالموقف الغريب أختي طلعت لها حبة صغيرة على جانب الثدي بين الإبط والثدي وخافت جداُ وجلست تبكي لأنها خافت إن يكون لها علاقة بالأورام (الله يبعدها عن الجميع) لأنها سبق وسوت عملية لأزالة ورم حميد صغير قبل كم سنة ، بعدين نصحتها وحدة من معارفنا واستعملت صابونة الديتول واختفت الحبة تماما! وبعدين لما راحت تسوي فحص ما كان في أي أثر الحمدالله للحبة، وأنا بديت أستعملها عشان فيني حبوب في الصدر والظهر والحمدالله ألحين خفت، فحبيت أقولكم هالتجربة اللي يمكن تستفيدون منها إنشاالله...