صابونة الكركم وماي الورد ..!

السلام عليكم ..

هذا اول موضوع لي في المنتدى وشدني موضوع وحدة من البنات تتكلم فيه عن صابونة الكركم وماي الورد وانه يبيض مع الوقت .

وانا بنفسي انقال لي نفس هالكلام من وحدة اعرفها ، وقالت لي انها كانت سمرا وبيضت من هالصابونة!

طبعا ماصدقتها وقلت لها ان كلامها مب معقول ! كيف ابيض من صابونه افرك بها جسمي كم دقيقة وبس! يعني بعده لو زيت ادهن به جسمي يمكن اصدق ، بس صابونة !!!!!! حتى من قوة الجذبة حسيت الارض بتخسف بنا استغفرلله ..

المهم رجعت البيت وكتبت ف النت عن صابونة الكركم وبالفعل لقيت وايد بنات يتكلمن عنها وانها بالفعل تبيض مع الوقت ومع الاستمرار ولفتره طويلة ! ، ورجعت اسأل ربيعتي هذي من متى تستخدم هالصابونة وقالت لي من يوم وهي ف الثانويه وهي تستخدم هالصابونه !!! وهي الحين ف الجامعة .

وقالت لي انها ماستخدمت الصابونه عشان تبيض لانها تحب البشرة السمرا بس استخدمتها لانه بشرتها دهنيه ومع الوقت ابيضت ، طبعا البنت اعرفها معرفة شخصية وقريبة وايد مني ، ف قلت مستحيل تجذب علي .

المهم هذا كلامها وتجربتها الشخصية وحبيت انقلها الكن ، واللي قد جربتها ياليت تفيدنا بتجربتها .