صابون الغار

انا بعد عندي ربيعتي يابت لي من سوريا

وهم يستخدمونه للشعر

يعني مثل الشامبو

اهلين اخواااااااااتي نفسي اجرررررررررربه

مو صابون الغار قصدي صابون زيت الزيتون لانه طبيعي ويمدحوه بنات الشام ..

بس ماادري وين الاقيه اكيد عند العطار يبغالي اسأل..

اما الغار اول مرة اسمع عنه بس على فكرة سبق وسألتني امي عن شكله قالت فيه شيء من الغار مفيد للشعر كيف شكله ؟؟ فيمكن هو هذانفسه الصابون..

تحياتي

تقصدون الصابونه إلي لونها بني على أخضر غامج .. وتكون مربعة في شكلها ؟؟؟ أعتقد إنها هيه للأنا نيبها من سوريا ... وهيه مفيده للشعر وللبشره...

للشعر.. تزيل القشره وتخفف من تساقط الشعر والتقصف ... بس عيبها إنها تجفف الشعر شوي ..يعني بعد ما تستخدمينها رطبي شعرك بكريم مرطب...

للبشره .. تزيل الدهون الزائده وتخفف من حب الشباب .. وهي مفيده جداً للبشره يكفي إنها طبيعيه وما فيها أي مواد كيميائيه ..

وعلى فكره.. هي تحتوي على الغار ونسبه من زيت الزيتون..

غزل..

تقدرين تحصلين منه في بعض الجمعيات .. ومتوفر بعد في مراكز الأعشاب.. أما العطارين فما أدري إذا متوفر عندهم .. وهو رخيص على فكره .. يعني إحنا الصابونه عندنا تلاقينها بخمس دراهم ..

ويوم تستخدمون هذي الصابونه لا تخلونها مكشوفه لأنها راح تيبس وتتكسر ..أحسن شي احفظوها داخل علبه ..

جزاكي الله خير اختي ميلودي

اخواتي تلقونها عند العطار
وفيه صابون غار بزيت الزيتون
اصبروا اجيب كرتونه
ايييييييييييه
هذا هو مكتوب عليه صابون غار ممتاز طبيعي 100 %
مصنوع من زيت الزيتون وزيت الغار خالي من الدهون والشحوم .
يزيل القشرة ويطري البشره ينصح به اطباء البشره (الجلديه )
ومكتوب بعد (حائز على امتياز في صناعة الصابون الغار الحلبي )
انتاج شركة نادر ومحمد بركات ومكتوب عليه بالبنط العريض وبخط اخضر
الحلبي
وتحت الكرتون مكتوب المواصفات : مصنوع من زيت الزيتون وزيت النخيل وزيت الغار الطبيعي 100 % ويحتوي في تركيبه مواد قلويه من اعشاب الشنان .
:) هذا كل المكتوب عالعلبه .
وتلقينه يا غزل عند العطارين .

سعر الكرتون 10 ريال يوجد فيه 8 صابونات تكفي لمدة كم شهر .