صابون الوزير...... عور قلبي

صباح الخير يا حلوين
انا الصراحة من تزوجت اعتمدت علي هالقسم عشان اتعلم كل مايخص التنظيف والتنظيم. والحمد لله اخذت افكار وايد وطبقتها. كثير من هالافكار نجحت وبعضها فشلت.
حتي اغراض التنظيف وماركاتها اخذته من اهني في البداية اشتريت اغراض وكنت اذا اشوف اشياء ثانية تمدح فيها الناس اهني اشتريها. وهاي كان غلط لان كان لازم اواصل علي الاشياء الي ارتحت منها.
المهم من زود ما البنات امدحت بصابون الوزير خليت اخوي الله يحفظه واهوا امودينا السعودية انه ايوديني محل مخصوص عشان اشتريه:27:. والحمد لله حصلته وكان مبشور وسعره 10 ريالات. وكانوا يايبينه الصبح وانا يوم اخذته مابقي منه الا 10 حبات خذيتهم وانا طايرة من الفرح:hahaha:. يبته البيت وطبقت كل الي كانوا قايلين عنه بنات النتدي بس الصراحة لا لمع لي الجدور ولا بيض لي الثياب . يعني عندي شيلة بيضا تتوسخ اذا البسها من كريم الاساس بس احطها بالغسالة مع بيرسيل ترجع يديدة. ها:06:لمرة تشيطرت ونقعتها بالماي مع صابون الوزير عقب ما ذوبته لكن مافي فايدة.
الي ابيه يا جماعة انكم تعطوني افكاركم المجربة حق هالصابون قبل لا اظلمه وارميه. وان ماعطيتوني تري بعدين ازعل :44: و ماارد انزل السعودية.(عاد انا موتي السعودية واسواقها ):44: