السلام عليكم بنات ..
كيفكم ان شاءالله تمام؟
اليوم حاعطيكم طريقة صابونة باستخدمها حوالي شهر وبصراحة مرررة مرتاحة عليها شدتلي بشرتي وفتحتلي البشرة
طبعًا انا في الاساس بيضا بس في الثنوي مع الشمس سمرت وكدا ودحين في الجامعة قررت اني اهتم بنفسي وسرت استخدم هادي الصابونة مع كريم كلين اند كلير الواقي والمبيض
الأشياء كلها من عند العطار، روحي عطار كويس وواثقة فيه واشتري الاشياء من عندو..
رح تحتاجي لـ:
صابونة الكركم.
صابونة الغار.
الصابونة السحرية.
صابونة البابايا.
كوب وربع موية ورد(يعني قارورة كاملة)
رشة كركم جسم.
ملعقة كبيرة ملح خشن.
ملعقة كبيرة نشا.
نص ظرف جيلي(انا استخدمت جيلي بالفراولة).
الطريقة:
تبشري الصابونات كلهم مع بعض وتخليهم ع جنب
في قدر عالنار حطي موية الورد والكركم والملح والجيلي حركيهم مع بعض وحطي الصابون عليه الين يسيح وبعدين شيليها من النار وحطي النشا وقلبي بسرعة .
حطي الخلطة في علبة متوسطة الحجم وخليها الين تبرد وتتجمد (ترجع صابون عادي) وبعدين قطعيها مربعات واستخدميها ..
تقدري تستخدميها على جسمك كلو..
انا كل يوم في الصباح وفي الليل اغسل وجهي بالصابون وبعدين احط كريم كلين اند كلير الواقي
وبشرتي دحين الحمدلله كويسة بس باقي السواد اللي حول العين باستخدملو كريم اعطتني هوا الدكتورة..
Raghad Ahmad @raghad_ahmad
عضوة نشيطة
يلزم عليك تسجيل الدخول أولًا لكتابة تعليق.
رحالة عبر الزمن
•
الصفحة الأخيرة