صابون يبيض الجسم

رمضان عطره فاح .. عسى ايامكم افراح .. وكل احزانكم تنزاح ..
وكل رمضان واحنا طيبين .. وعلى الحب متواعدين ..وفي التراويح والتهجد مجتمعين

المهم حبيباتي حبيت اقولكم عن طريقة صابون سويته بنفسي ومن اول مره حسيت بنظاافه رهيبه وثاني مره حسيت بالتفتيح وخاصة الركب ومع الايام بيعطيك بياض حلو بتلاحظينه
وهذي الطريقه :
صابونة البابايا (الصابونه والكرتونه لونهم برتقالي)
صابونة الطاؤوس
صابونة بيزلين للتبييض
نصف كاس جلسرين سايل
كاس مغلي بابونج+خزامى
نصف كاس موية ورد

ابشري الصابونات وصبي عليهم مغلي البابونج والخزامى وخليهم ينقعون فيه لحد مايذوبون واذا برد اخلطيهم زين وحطي الجلسرين وماء الورد واخلطيهم وحطيهم في علبه واذا جيتي تتروشين خذي منه بالملعقه واستخدمي قفازات بدي شوب او الليفه المغربيه .. ولازم ترطبين جسمك بعد الحمام

ملاحظه : الكميه بتكون كبيره حبذا لو استخدمتي نصف المقادير واذا خلص تسوين النصف الباقي

وبس
ادعولي ان الله يهديني لما يحبه ويرضاه ويشرح صدري ويحفظ لي اهلي ويخليهم لي