السلام عليكم ورحمة الله وبركاته
أخواتي وأحبتي بنات حواء
لكل من تعاني من هالمشكله الحقيره , السترتش ماركس ..
الخطوط البيضاء والحمراء .. :09:
حبيت افيدها اليوم بتجربتي القصيره جدا !!
راح تنصدمون لقلت لكم اني اليوم ثاني يوم لي استخدمها !!
لكن النتيجه خياليه => مقارنة بـ مرتين استخدام بس !!!
خلوني اوصف لكم حالتي بالاول .. < يا حبكم يالبنات للطوالة :42:
انا استخدمتها لبطني فقط .. طبعا انا بنت مو متزوجه ومافيني شخابيط الحمل والولادة .. لكن بالفتره الاخيره وزني طخ وبشرتي انصدمت من كمية الدهون الهائله اللي تراكمت داخلها ف صار لها عجز في التغطية الجلدية > أدري تقولون لايكثر :09:
المهم .. طلعت عندي خطوط طازجة وجديده (حمراء) من الجوانب بس .. شكلها منتفخ وأحمر .. بعد فتره طبعا انا اهملتها وبدى لونها يميل للون بشرتي ..
,
الحين نجي للمهم ..
طريقتي لها 3 اجزاء ..
راح ابدأ بالجزء المهم وسر الصفاء .. اللي هو ..
الزنجبيل !
1/ استخدمت زنجبيل طازج خلطته بالخلاط مع كوب موية .. وعبيته بعلبة ماء صحه
صار لي يومين ادهن بشرتي فيه اذا تأخر الوقت واغلفه بنايلون واخليه ساعتين ثلاث اربع ما اهتم قد ما طول احسن وبعدين انام فيه ما اغسله ..
2/ يوم ثاني قبل ما اغسله اسوي له تدليك بصابون القهوة والزنجبيل (من صنعي) واللي تبي طريقته راح اكتبها لها ..
المهم تدليك خفيف لمدة 15دقيقة بعدها اتروش طبيعي ..
وهذا رابط موضوعي اللي فيه طريقة عمل الصابونة
http://forum.hawaaworld.com/showthread.php?p=69453318#post69453318
3/ بعد الترويشه ادهن جسمي بزبدة الشيا مخلوطة ب زيت جنين القمح ..
والكل يعرف فاعلية زبدة الشيا في السترتش ماركس ..
لو ما عندك الشيا تقدرين تستبدلينها بزبدة الكاكاو
ولو ما عندك برضو تقدرين تستخدمين كريم بالمرز بزبدة الشيا + الكاكاو
,
هذا طريقتي كاملة .. لكن نجي للنتيجه ..
وربي اللي خلقني يا بنات ما اكذب ولا ابالغ .. الخطوط راحت من اول يومين بنسبه 80 %
لدرجه اول ما شفت نفسي بالمرايه ادور الخطوط مو لاقيتها !! ومو مصدقه نفسي وين راحت !!
,
في شي ثاني حبيت اقوله لكم ..
الطريقه هذي انا استخدمتها بقصد التنحيف وابدا ما كنت حاطة في بالي قصة السترتش ماركس .. الخطوط ..
لكني مالاحظت نحافة ملحوظة بقد ما شفت تأثير واضح ع الخطوط ..
اللي تبي تنحف تراني ابشرها انو الطريقه هذي تنحف ايضا ..
بسبب الزنجبيل المعروف بالتنحيف + القهوة المعروفه بالشد ..
لو جربتيها بتشوفين كيف الدهون تطلع بيدك وقت وانتي تتروشين .. لكن بالنسبه لحجم بطني .. مافي شي ملاحظ بالعين المجردة الى الآن ..
لكني راح استمر بالطريقه واوافيكم باخر الاخبار ..
,
قبل لا انهي موضوعي ..
في شغلات ثانيه لازم اقولها للفائدة .. وللي حابه تجرب معي :
- انا من قبل استخدمت صابون القهوة والزنجبيل لحاله لأكثر من يوم .. لكن النتيجه غير ملاحظة بالنسبة للخطوط .. لكنها رااائعة للصفاء والنعومة تخلي بشرتك بيبي ..
- استخدمت زبدة الشيا لحالها لفتره طويلة .. لكن لا فائدة ملاحظة تذكر برضو بالنسبة للخطوط .. لكنها جيدة توحيد اللون والنعومة ..
لكن بالنسبة للخطوط .. كلهم تأثيراتهم بسيطه جدا تخفف من الحاله لكن ما تقضي عليها ..
اما الزنجبيل .. فمفعوله فتاآآآك .. اذا جمعناه مع الصابون والزبدة ..
جربو وصدقوني بتدعون لي ..
.
.
الموضوع من تجربتي الشخصيه .. ولا مانع من النشر للفائدة العامة ..
وكل اللي اتمناه منكم دعوة بظهر الغيب .. ان الله يرزقني بالزوج الصالح ويوفقني بدراستي .. :26:
! Jeno ! @jeno_1
عضوة جديدة
يلزم عليك تسجيل الدخول أولًا لكتابة تعليق.
البرنسيسة ليمو
•
مشكورة الله يعطيكي العافيه
الصفحة الأخيرة