حيااااااااااااكم الله حبيباتي واسعدني مروركن ..............
حلووووووووو ان نلبس الي يعيطينا مظهر حلوووووووو بس مو لدرجة اني احرم نفسي من اشياء كثيرة حلوووووووة حتى لوقصرتني مو مشكلة الموهيم انا نكون مرتاحين ........
تحياتي وننتظر المزيد

موضوع حلو

انا ما قصيرة يعني 165سم بس تحيفة. يا ليت تقولوا لي الاستايل اللي ينفع معاي خاص في التنانير.

اردافي لا باس بها بس من فوق نحيفة خالص و سيقاني بعد.

رزان مغربي قصيره صحيح لكن نانسي عجرم طويله ولبسها مايناسب الا الطوال......
انا اختي قصيره وانا دايما اساعدها بلبسها وباقولكم اللي عندي.... التنانير القصيره روعه عليها بس لازم تكون ماسكه من الخصر او لين الارداف...... البرمودات حلوه........ الفساتين ع الجسم ودايما تبعد عن اللي فيها كشكشه يعني احلى شي اللي ع الجسم...

البلايز احلى عليها من التشيرتات وكمان القمصان اللي لين الخصر وساده او مقلمه بالطول تقليم نحيف تجي حلوه عليها.......ز مره جربت ولبست بلوزة شيفون بس مش طويله لكن وسيعه وسط وتحتها بودي ماسك طلعت حلوة...البناطيل عادة تشتريها تكون نازله على تحت بوسع بسيط و ناعمه وثقيلة القماش شي بسيط وتطلع حلوه......

السلام عليكم صغنوناات
من خلال خبرتي في هالمجال ابيك تعرفون انه لازم يكون عندنا تقسيمات للاجسام
يعني صحيح ممكن الكل يتفق على الارتفاع ..يعني قصدي الطول بس..بس مو الكل له نفس الحجم والعرض
يعني فيه بنات الطول في رجولها والعكس صحيح فيه بنات يكون الطول في ظهرها
وفيه اكتافها اعرض شي فيها واردافها صغيرة
والعكس صحيح فيه بنات اردافها كبيرة واكتافها مرة صغيرة
فيه وحدة اطرافها شوي متينه والبعض عصقوله
دراسة اللبس تحتم علينا معرفة شكل اجسامنا وعلى اساسها نقرر نوعيه اللبس وقصه البلوزة او البنطلون بغض النظر عن الطول حتى ان كان هو الاساس المشترك بين الكل..
ابدأ بسم الله الرحمن الرحيم باللي اردافها كبيرة وكتوفها صغار ..
اولا : علشان تصغر اردافها مقارنه بالجزء العلوي
# تبتعد عن الالوان الفاتحة للجزء السفلي
# تلبس الجاكيت او البلوزة الى نصف الارداف لا تغطيها كاملة ولا ترتفع البلوزة تكون كل المؤخرة باينه الفكرة تقسيم هالمنطقة يكون نصها ظاهر ونصها مغطى بالجاكيت او البلوزة..
# قصة الجاكيت او البلوزة ما يكون فيه انحناء يعني يكون متستقيم نوعا ما
# في البنطلون ما يكون فيه جيوب ويكون ناعم قدر الامكان وقماش يكون من اللي طايحه يصغر الحجم شوي
# اما الجزء العلوي فيكون البلوزة فيه تظهر الاكتاف فتحه الحلق تكون كبيرة وما ينفع لبس حاجه سلك لانها تكبر الجزء السفلي وتصغر الجزء العلوي اكثر ..

ثانيا: اللي اردافها صغيرة وكتوفها اكبر او صدرها اكبر
# ياستي لا تلبسين جاكيت او بلوزة الى نصف المؤخرة تبي تصغرها زود..
# اجل وش تسوين ياستي ماعليك الا تزيدين انحناء الجاكيت والبلوزة تصير مخصرة شوي وواسعه من عند المؤخرة وحاولي تطويلينها شووي..مو كثير لو طوليتها كثير تقصيرين زود
#ركزي دائما على الجزء العلوي والجميل فيه يعني خلي قصات البلوزة ضيقة جدا عند الصدر ولا تخصرينها عند الخصر ..كذا تعطيك طول + اتساع في الارداف ..
# ياستي انتي انبسطي بالجنز ينفع لك مرة وكلما كانت الجيوب كثيرة كبرت المؤخرة يتضخم الحزء السفلي بالقماش الناشف والثقيل ..
#حولي تلبسين الوان فاتحه في الجزء الاسفل ..وابعدي كل البعد عن الغامق ..

ثالثا:اللي اطرافها متينه
#التنانير القصيرة الشانيل حتى لو انتي قصيرة تناسبك لان حجمك مغطي على قصرك يعطيك وجود وحيز
#اما الاطراف العلوية لا تلبسين حاجة سلك لان تخليها اكبر، حاولي تلبسين قدر الاكان اشياء ناعمه وقماشها طايح حاجة فضافاضة مع مسكه جاية على الجنب وكذا
#البناطيل ركزي على شي يغطي المؤخرة بلايز ناعمه وبنطلون انعم وتذكري نصفيها نصفين..

رابعا : اللي معصقلة
# تنانير قصيرة ما تصلح لك ابدا
الى اذا كانت فوق الركبه مررررررررررررررررررررة..بس عاد وين تلبسنها كذا
# انتي خلي شغلك على البناطيل اللي فيها فلير يعني قصه مايله شوي تعطيك طول
# وعلشان تكسبين حجم لرجولك البناطيل اللي فيها الوان فاتحه مع النص تعطي حجم اكبر للفخذ ابعدي عن اللون الغامق او السادة
# وبالنسبه لليدين البسي بلايز طويله فله عليك وابعدي عن البلايز اللي تصير ما هي طويلة او قصيرة نص الساعد ما تنفع للنحاف ..
# ولكن ركزي على الكت حلو عليك او بلايز اكمامها قصصيييرة مرة
# لا تلبسي شي واسع ابد انبسطي بعمرك وضيقي الملابس قد ما تقدرين تطلعين حلوة


وشاكرة لكم حسن قراءتكم
سوري على التطويل