ما احب اسوي مقدمات ولكن راح اطرح تجربتي للتخلص من الحبوب+ تصغير مساماتي + التخلص من الشحوب والبقع و الحصول على النضااااااااااااره
اهتمامي يتلخص في 3 خطوااااااااااااااات مهمين و ارجو عدم اهمال اي خطوه منهم
الخطوه الاولى التنظيف
طبعا انا راح اقترح 3 اشياء تستعملينهم مع بععععععععععض و جاوا من خبره سنين و تجارب فاشله و احباط شديد ببعض الاحيان .. راح تلاحظين بشرتك نظييييييييييييييييييييييفه و مساماتك تصغر مع الوقت و ايضا راح تنقطع الحبوب اللي تحت الجلد و اللي لها روس بيضا او سودا حتى حبوب الدوره راح تطلع بالكثير نص يوم وتختفي <<< هذا اذا طلعت اصلا
انا شخصيا طلعت لي حبة الدوره لان كنا بالشاليهات و رطوبه و بشرتي ما عليها اي حمايه بس اول ما رجعت اهتم تقشر مكانها واختفت رغم انها كانت تحت الجلد
المستحضرات المهمه و الفعاله بنظري غسول نيوتروجينا البرتقالي+ فرشاة الوجه ((يا اما تشترينها من سيفورا وتكون فرشاه يدويه قيمتها 35 ريال او تشترين كلاريسونيك و هي الكترونيه و راااائعه قيمتها مع الشحن 700 ريال)) و بعدهم تسوين غسله اخيره بصابون لايف بوي عشان الحبوب
صور الفرشاه من بودي شوب
فرشاة سيفورا
فرشاة كلاريسونيك وهي الافضل بنظري واعتبرها استثمار العمر ((كم صرفنا على دكاترة الجلديه؟؟؟؟؟))
الاستخدام لهالخطوه بيكون مو اقل من مره باليوم
الخطوه الثانيه:
سيروم انتي تسوينه بالبيت..
راح تحتاجين بخاخ ((انا جبته من دايسو زي بخاخ العطر))
تحطين فيه موية ورد مذاب فيها مره ((قد ربع كوب موية ورد)) عليهم 4 كبسولات فيتامين E و تحطين ايضا 10 كبسولات فيتامين سفن سيز .. ريحته مطبق سمك بس اللي ما تتحمله لا تحطه لان ريحته سمممممممممممممك مقلي
و حطي 15 نقطه سيروم فيتامين سي تركيز 20%
و ملعقه صغيره زيت جنين القمح و لو تحبين ملعقه صغيره زيت اللوز
بخي منه مرتين او ثلاث باليوم
انا ابخ منه بعد المغرب يعني عالسته و عالساعه 10 و قبل لا انام بعد عال 12
تقدرين تحطين بدال موية الورد مغلي قشور البرتقال والليمون بس انا هالفتره ابي اجرب موية الورد و لاحظت من استخدام نص يوم نتائج مشجعه وخصوصا لون الهالات حول العين
هالسيروم المفروض انه يعطي نضاره و يغذي البشره والرموش و يخليها احسن ويورد الخدود و بديل للسيرومات الصناعيه <<<< شغل يدي اعرف وش فيه
و مع الوقت تخف البقع مع المره و جنين القمح و فيتامين اي و فيتامين سي ....
الخطوه الثالثه والاخيره و بنظري حيويه و مهمه
شرب مالا يقل عن لترين ماء و تناول مالا يقل عن 5 حبات فواكه باليوم و كاس حليب
المويه تخلي البشره نضره وغضه من الداخل لان مهما اعتنيتي من برا ما راح يبين لو من جوا سيء
الفواكه تمدك بالفيتامينات و فعاله جدا لصحتك و جمالك و بشرتك وتنوووووووووووووور الوجه
الحليب مفيد مفيد مفيد لانه يرطب الجسم بشكل كبير و يعطي نضاره كبيره
ترى انا بشرتي دهنيه جدا جدا جدا كنها شمعيه و مسامات خدودي باينه لكن تتحسن مع العنايه و حساسه نوعا ما و ابتدت تطلع لي هالات مع قلة النوم
لكن احس بفرق كبير مع الاشياء اللي كتبتها
السيروم جديد علي لكن مكوناته استعملها باستمرار لكن اول مره امزجهم بناء على موضوع سبق قرأته وصاحبته مسويه نفس هالسيروم بخاخ .. طريقتها ذكيه بدل ما استعمل كل شي لحاله و انسى وش استعملت و وش خليت