صاحبات الحكمه تعالو علموني الكيد والدهاء

صباح الخير حبوبات..طالبتكم باستشاره ،ياطويلات انا ساكنه ببيت وقدامي اهل زوجي ،، الموهم اول كان امه وابوه عادي يدخلون وياخدون شي كنت اشتكي لزوجي انه لازم يستاذنون خاصمني يقول امي وابوي ياخذو الي يبونه هذ بيت ولدهم ،، الحين توفوا،، لكن المشكله عنده اختين واخ. غاثيني ،، يعني اكون طابخه تجي وحده تقول اغرفي لي غدا طيب انا مسويه علي قدي اليوم ،، انتي عندك شغاله ليش ماتطبخ لك؟ شي تاني ممكن زوجي يمر عليهم قبل يدخل البيت ويناديهم عالغدا طيب انت ماسالتني، اول كنت احط الاكل وانقص عن عيالي الحين صرت احط غدا عيالي واعطيه غداه اقول هذا قسمك براحتك تاكله ولا تاكلهم،،، ياجماعه الحكايه مو بخل بس تخيلو اكون مسويه حلا وجايتني حرمه ياخذو نص الصينيه يتقهو عليها ،، طيب انا بيجيني ضيوف وزوجي موقفف المتفرج مابيسوي شي ،،، الحين لهم سنه ماعندهم شغاله مع ازمه الشغاله كل شويه يبغو شغالتي. اوكي ماقلت شي بس مو كل يوم زوجي يقول مادام شغالتك مارفضت خليها تشتغلهم،، والتلفون كل شويه مستلفينه في النهايه عطيتهم ياه خودوه،، واشياء تانيه اكون مشتريتها لبيتي يستلفوها طيب لو تبغوا اخوكم بيجيب لكم عادي بس ماياخدو غير حقي وزوجي يقهر يقول عطيهن لا تفضحيني فيهم بجيب لك غيرهم ،، شي اخير لي كم شهر جايبه اتوماتيك لما اكون برا البيت يغسلو غسيلهم عشان مافيهم يغسلو بغسالتهم، يعني ايام اكون برا البيت وعيالي موجودين مايقدروا يقولو لعماتهم لا تدخلوا،، زوجي مايسوي شي ،، كل مااشكيه يقول لو خربت الغساله بجيب لك جديده لو اخدوا شي مارجع بجيب لك غيره مايقدر يكلمهم محرج .. طيب انا ايش اسوي معاهم انا ابغي شي حازم لهم وماابغي ابين لزوجي انتي تغيرت عشان لايقول احد مغيرني ،، ابغي خطه فيها كيد بحيث اني اوقفهم عند حدهم وقدام زوجي انتي انا الصح ،، لان هم مبينين انهم طيبين واني انا الي ابغي اقاطعهم ولا ابغاهم يخشون بيتي ،،، زوجي اكبرهم وهو مهتم فيهم مانقدر ننقل ونسيبهم،،،، ملاحظه للي انتقدوني،، انا مو ضيقه عين هم ماشين علي مبدا البيت بيت اخونا ، والبيت للرجال مو للحرمه يعني ممكن تدخل وتاخذ سكر ولا طماطم وانتي جالسه بدون استئذان فهمتوا؟ تدخل تاخذ صينيه الحلا بدون علمي ،، وهم ماهم صغار بالثلاثينات وموظفات يعني ماديا ماهم بحاجتنا ،. سويت تعديل عشان مشاركاتي مايمديني اكتب رد ،،، يابنات سيبوكم من المثاليه الزايده الحين كلكم اخوات زوجكم عادي عندكم يهمشوكم ويدخلون بيتكم ويستخدمون اغراضكم عادي ،، بدون اذن ،، وكلكم يوميا ترسلون لهم اكل ،، طيب كذا لازم اقضي بدال لبيت لبيتين ؟ يعني بشوي دبل. شي تاني غسيلهم وكويهم عندنا واكلهم مننا صرفياتنا كثيره كذا وزوجي مايفهم انه يحسب حساب بيتين يعني لما تجي الفاتوره الكهرب كثير يخاصمني طيب انا بغسل واكوي يوميا حتي عباياتهم كل يومين تتغسل وتنكوي ،،، والي اقول خلي شغالتك تروح من الظهر للمغرب بالله هذا كلام يعني هذا وقت الذروه ووقت الغدا انا عندي ٣ دون المدرسه مو معقوله انا بنتبه لهم وامسكهم وهي تنظف لهم يعني بالعقل ،،، شي تاني شغالتي ماتعرف تطبخ بس شاهي وقهوه ،، وتصير تغرف لهم اكل لو ماجونا وتوديه لهم تص ساعه تروح تجيبه وشويه رايحه جايه كذا بتطفش وتهج ،، انا عندي عيال ابغاها تنتبه لهم ،، يعني جاوبوني بدون مثاليه ،، زوجي صحيح يقول بجيب لك بس يومه بسنه.... كمان في شي هم مثلا لو اكلو وقالو الاكل زايد ملحه زوجي علي طول يقول زيهن اليوم اكلك مرررا مالح ويبطل اكل مثلا لو قالو في طعم بالشي زوجي يبطل اكل لانه مرررا شكاك ،، مثلا هذا سكره زايد علي طول مايشرب يقول هذا شيرا ماينشرب فهمتو