صاحبات الخبره بالحياه ابي منكم مساعده

السلام عليكم حبيباتي شخباركم ؟ ياروحي ابي مساعدتكم لي

انا. متزوجه لي٨ سنوات عندي طفلين زوجي انسان مسيطر موقادره افهمه ابد عجزت يطلع ويروح ويجي ويكشت ويسافر ابد ماعمري تدخلت او قلت ووين وليش،،مايبي اطلع لامعه ولامع اهلي ولا مع صديقاتي ارجع للبيت الاقيه مكشر وماد البوز مع اني ماروح الا بأذنه كرهت الجمعات والمناسبات بسبته صرت اعيش بخوف اخاف منه اعتزلت الناس بسبه الخوف اللي فيني منه سيطر علي 💔انا ماعندي اخوان وامي وابوي منفصلين وماعندي الااخت اصغر مني عشان كذا لاقيني ضعيفه المصروف اذا عطاني اياه يكون لمصاريفي ومصاريف عيالي والمستشفى واغراض البيت دايم يقول مامعي مامعي بس اذا تعب ولا يبي شي طلعت فلوسه تعبت انا اشتري وانا اجيب وادبر كلمه ابوي بهالشي لكن ابد مافاد فيه طلقني طلقه ورجعني وابد ماتحسن ولاشي كل ماله يزود عمري ماشفته داخل علي بهديه لو حلاوه اتعب امرض كلمه الحمدلله علو السلامه مايقول انا كل عيد اهديه واهتم فيه لاتعب واشيل همه لكن انا عنده والجدار واحد صرت احس نفسي نفس الخدامه اشتغل بس كذا لاحب لا اهتمام لاكلمه حلوه وربي يابنات يشهد ربي علي ولاعمري يوم حملته فوق طاقته ،،انحرمت من الناس من كل شي كرهت حياتي صايره اعيش بين نارين امي انسانه ماتحب الاطفال ولاتبيهم ماتبي تجيني البيت ولا اقدر اخذ عيالي عندها ونسلم عليها تبي نطلع انا وياها مول ولا كوفي تقول احب علي وزوجي مايبي اطلع كل مارحت الاقيه ينتظرني بالكلام والتجريح تكلمت ولمحت لين تعبت اقوله لو بالشهرين مره طلعني نروح نتعشى زي العالم بروحنا مايبي احسه مو طايقني ماني عارفه كيف اتعامل معه ادري يابنات كلامي ملخبط بس اعيش بخوف ورعب احس البيت هذا مولي عمره ماحسسني اني زوجه ولي مشاعر وكيان وحقوق اذا ناقشته حاط اللوم والغلط علي 💔بس يهاوش الاطفال على كل شي علموني يابنات ارشدوني تعبت اصرف واسوي كل شي ودي يوم انام وانا مو شايله هم اغراض بكرا وبعده انا مو موظفه ولايبيني اتوظف بحجه الاطفال من يجلس عندهم بس ادبر لما امي ولا ابوي يعطوني
ونسيت شغله يابنات خانق على نفسي يبي يعرف كل شي كم مره يتسمع علي وعلى مكالماتي مع اهلي مادري الاهو فوق راسي يبي يعرف كل صغيره وكبيره بيني وبين اهلي وصديقاتي اللي ماعندها رد تدعي لي