ابغى استشيركم في لو ن الستارة الله يخليكم
كنب صالتي " الصالة هي جلستنا اليومية وحوستنا" معليش شرحت معناها لاختلاف المسميات
المهم الستارة ابغاها مرة سنبل
بس محتارة في لونها
انا كنبي بالضبط نفس اللون دا جلد بس الموديل مختلف شوية
والسيراميك بيج فاتح
لون البويا اخضر زيتوني زي دا
والخشبيات من مكتبة وطاولات لونها كدا
وكمان عندي كنبة اضافية ستايلها على هندي مصورتها بالجوال وشكلها غبي بس ححطها
بناء على المعطيات السابقة
انا عارفة انو الزيتي حلو مع الوردي بس لما تكون الخشبيات بنية ينفع اضيف الوردي زي الستارة دي شفتها عند القثمي
او اتقيد بالبني ومااجازف
واختار دي هي لونها زي الكوفي بس مو واضح في الصورة
وكمان الزيتي حلو مع الاحمر
اش رايكم
الستارة الاولى ولا الثانية ولا اشوف احمر
وياريت تفيدوني بالصور إن أمكن
نسيت اقولكم انو الشباك مرة عريض يعني جدر كامل عرضه 4 متر وطوله 3 متر