السلام عليكم ورحمة الله وبركاته
محتاجه أراءكم الحكيمه في مشكلتــي ،
عمري:25سنه متملكه
زوجي اكبر مني ب 18 سنه وعنده زوجه واولاد متملكه لي سنتين ، وكانت لي علاقه فيه قبل الزواج ب 8 سنوات .
انا مرتاحه نفسياً معاه ولكن لي بعض الملاحظات على طريقة تفكيره . هذي النقطه ماتشكل علي أي خطر ولا تشكل لي أزمه !
مادياته مو تمام أو أنه يبخل عليّ ، لكن بالكلام مايقصر معاي ، اللي يسمع كلامه يقول ذا بيقدم لي الدنيا كلها وهو كله مجرد كلام ماشفت على ارض الواقع ولا شي !! .
حصلت بيني وبينه مشكله من كم يــوم ، وهي أنه صار يكذب عليّ + عندي أحساس إنه يخوني بس مو متأكده من لخيانه
اللي متأكده منه انه كذب علي في شيء تافه !
مثلاً قبل يوميـن كلمته ع الواتس آب وسألته ليه ماكلمني اليوم وقالي انا تعبان وفي البيت وجلس يحلف انه مكسر ومهدود حيله !!
طبعاً هو كذاب كان بالدوام أصلاً !! ، انا عندي برنامج تتبع ع الايفون أعرف وين يروح ووين يجي ولي أكثر من شهور اراقبه !
طنشت كذبته وقلت يمكن ماله خلق يتكلم معاي !
اليوم اللي بعده طلعت عندي اختبار وقلت اتصل فيه قبل ادخل الكليه ، ومارد علي مع أنه طالع من البيت ومارجع الا الساعه 10 ونص بالليل واتصل فيني قبل يدخل بيته وقالي انا من اليوم ماطلعت من البيت وتوني طالع عشان بكلمك وبرجع للبيت ومو مطول !!!
وهو بالاساس كذاب زي ماقلت لكم طالع من العصر ومارجع بيته الا 10 ونص الليل !
انا خلاص قفلت معاي وقلت اذا سكت له بخرب حياتي ويبي يتعود ع الكذب معــاي ، وتداركت الموضوع وأرسلت له رساله وقلت له ليه تكذب علي ترا انا مراقبتك واعرف وين تروح وبلاشي كذب واذا ماتبي تكلمني كان قلت لي مالي نفس اكلمك وبعذرك وأقدر صراحتك !!
المهم كتبت له كلام كثير وطلعت اللي بقلبي ، وكان رده لي ززفت وقالي" انا كذاب ومراوغ وسيء الاخلاق وخاين وش تبين فيني ؟! وش تبين بواحد مايبيك وخاينك ؟"
اعرف أسلوبه يتهرب من المواجهه ويحسب اني مو متأكده من أني كشفته !
قلت له انا متأكده 100% من الكلام اللي اقوله لك ، وانا اعرف اني ما أعني لك شي وآخر همك انا !
وقلت له انا مو جابرتك علي اذا ماتبيني الامر بيدك .
احسه يبيها تجي مني أطلب الطلاق كم مرا يصير مشكله يقولها كيذا بأسلوب غير مباشر !
الحين انا مقفله جوالي وحاذفه الواتس آب ومدري وش اتصرف معاه بعدين ولا ادري هو وش يبي يســوي ؟
انا طابت نفسي منـه ، قبل سنه أكتشفت انه مرسل ايميل صورة (.....) لـ وحده !! واحسن شي انها ماعطته وجه وانتهى الموضوع عند ذاك الحد !!
وانا كلما أبحث في مواقع المسيار الاقيه ماخلا موقع ماسجل فيه ، وربي محتاره وكرهههته وفي نفس الوقت احتاجه ما اقدر استغني عنه هو اول حب بحياتي وعشت معاه أجمل ايامي ! ومتحمله سلبياته ومضحيه بشبابي وبكل شي عشانه
حتى هو كم مرا يحلف ويقولي انا ما استاهلك انتي تستتاهلين أفضل مني !
أبيكم تعلموني كيف اتصرف الموضوع في ريحة خيانه !!! وفيه كذب وانا ما أتحمل هالصفتين بالذات مقدر اتعايش معاهم !
انا صادقه معاه وكتاب مفتوح وما أمشي خطوه الا بإذنه ، ويشهد الله اني معطيته حريته يطلع ويروح وما أسأله وأحقق معاه ، هو من نفسه يحكي لي ووين راح ووش سوا وكنت أراقبه بالبرنامج وأكتشف انه صادق ، بس مدري ليه كذب علي الاسبوع هذااا 3 كذبات ورا بعض !! وهذي أول مرا له يكذب علي وأكتشف هالشي !!
علموني اذا اتصل وش أقول له أرد ولا أخلي جوالي مقفل ؟ ولمتى ؟
افكر انه اذا اتصل بعد اسبوعين اكلمه وأقوله يمرني البيت ونتفاهم وأخليه يبرر لي ليش كذب علي وأحلفه ع المصحف اذا خانني وأخليه يعاهد الله مايعودها ، وأفكر أتغير في اسلوبي معاه عشان يعرف حجم الغلطه اللي سواها معـاي !
انا ضايعه ومالي بعد الله إلا مشورتكم :confused:
***
المشكله مو لي لكككن صاحبتها راح تشوف ردودكم
$سحر الانوثه$ @shr_alanothh_3
محررة فضية
يلزم عليك تسجيل الدخول أولًا لكتابة تعليق.
أسماء
•
انتي تقولين انك على علاقة معه وقبل زواجكم ب 8 سنين ابي افهم عشان مااسيء الظن ولو كانت علاقتكم غير شرعية ف اكيد بيخونك وليش زعلانة كان يخون معك وصار يخونك الموضوع عادل جدا
ام سجاوه
•
يا حياتي انتي السا العمر قدامك انتي باول شبابك كبير ومتزوخ وعنده اولاد هذي من ناحية ومن ناحية ثانية يكذب عليك مو مخليموقع زواج يسلم منه هذا ايش خل لمن تتزوجون ولله يا اختي الي باله عند سوالف مواقع الزواج والبنات ماراح يتوب حتى لو يحلف خلي العواطف وسوالف القلب تولي فكري بعقل احسن متندمينستخيري ونشاالله يهديكي يا حياتي
الصفحة الأخيرة
يعني كان بينكم تعارف
مافهمت
ياليت توضحي نوع العلاقة
وانت كيف تتعرفي وتتكلمي مع واحد متزوج
واصلا العلاقة قبل الخطوبة و الزواج محرمة