السلام عليكم ورحمه الله وبركاته
ما شاء الله تبارك الله لاقوه الا بالله
يابنات مدري وش أقولكم .. أنا ..
انا
.
.
.
.
.
خايفه
.
. تدرون من ايش ؟
.
.
.
.
.
خايفه أتنفس لايقولون اني
باقي :icon33:ماتزوجت
وخير ان شاء الله ؟ اللي تزوجوا يعني دخلوا الجنه ؟وش دخل الناس في النفس اللي بتتنفسينه ؟ أحد منعك تتنفسين ؟
لا محد منعني لكن انا منحرجه من الناس اذا أكلت يطالعوني ..أحسهم يقولون ..
مسكينه مافيه ولد معاها تأكله وتتعب معه على السفره
واذا قمت .. يطالعون احسهم يقولون ..
حليلها ودها انه يكون معاها ولد تدور عليه لايكون ضاع والا شرد من البيت ..
واذا تكلمت مع وحده بالجوال يطالعون احسهم يقولون ..
مسكييينه ودها انه عندها زوج تكلمه تسأله الولد عنده والا لا ...
طيب أحد كلمك في الموضوع؟ يعني أحد قال الكلام هذا مباشرة ؟
لا بس أحس انهم ودهم يقولونه ..
طيب اذا قالوه صدق وش تكون رده فعلك ؟؟
أمممممم مدري بس يمكن ابكي والا انحرج او اقوم من المكان .. يالله .. لا تقولينها الله يخليك ما أتصو رنفسي في هذا الموقف ..
اعوذ بالله ..
جاء يوم من الأيام .. وحضرت عرس .. وعندها وحده تكرهها كره العمى ماااااتحبها .. وتمشي وراها بالعدسه المكبره عشان تشوف لها زله أو غلطه وتجلس تعايرها فيها طوووووول عمرها ..
.
.
.
والحين جاتها بارده مبرده ...
تضحك بخبث فلانه انتي لسه ماتزوجت ؟
فلانه هذه حليلها ودها تنشق الأرض وتبلعها ولاأحد يسألها هالسؤال ..
.
.
قالت لها بكل انكسار : لا
هييييييييييي ايش تقولين .... يؤيؤيؤيؤيؤ يامسكييييينه طيب ليش ؟ مع انك بنت طيبه وحبوبه مرررررة ... صدق الطيب في هذه الدنيا ماله مكان ( ووالله انه اسعد خبر في حياتها :icon28: ولو بيدها ترقص ماكان قصرت)
الفريسه الآن جاااااهزة للأكل والنهش ..
المسكينه .. والله تقدم لي كم واحد بس النصيب ماجاء بعد ..
باقي الله ماكتب (تقوله وهي تحترق من داخل على الطيب اللي ماله مكان في هالدنيا والله انها صادقه .. أجل بنات عمي اللي لبسهم مشخلع وبنات الجيران اللي أشكالهم ماهي بزينه وبنات وبنات وباناااااات كللللللهم اتزوجوا ما بفي الا انا وصلت ال30 ومافوق وانا محلك سر مثل ما انا ما تحركت ولا ربع سم الا في العمر ..)
مرت من جنبهم وحده حلللللوه فقالت الحرمه اللي تكره صاحبتنا ولتكن ( ع ) :
يالله ما أجملها والله كان ودي أخطبها لولدي لكنها كبييييييره عمرها 27 سنه ..
وصاحبتنا تتقطع من جوه .. تدري انها مقصوده بس ...
شافت البنت وهي مكسورة ونظره الحسره في عيونها ووااااااضح عليها القهر ..
قالت (ع) : تدرون ؟ زوج بنتي اليوم ترك عياله عندنا وأخذ بنتي وسافروا راحوا ماليزيا .. هههه فديتهم راح يمشيها هناك عشان يحتفلون بذكرى زواجهم السادسه هههه
تقول هالكلام وهي كذاااااااابه الرجال حط عياله عندها لأن فيه مشاكل بينه وبين زوجته لكن امها ودها تقهر صاحبتنا ..
جت حرمه كبيره ومرت من جنب طاولتهم .. وسلمت عليهم وهي تعرف البنت (صاحبتنا ) وتسلم بشفقه وبطييييب نيه تقول الله ياذا البنت يعدل بختك ياحبيبتي ويزوجك ولد الحلال اللي يسعدك .. قالت (ع) ويستر عليها ( كنها مسويه شي )
صاحبتنا متضايقه مرة ومرتين وعشر بعد .. رجعت البيت وجلست تفكر .. ليه فلانه كذا وانا كذا ؟ ليه فلانه تقدر تلبس ألوان حلوه وانا عشان بنت ما أقدر ؟ ليه فلانه متزوجه مع انها شييييينه وربي لو اني من زوجها كان من أول يوم رديتها لأهلها ليه فلانه تسافر وانا هنا اكد على امي واخواني .. لا وياليت احد مقدر الا ما ينادوني الا يالعانس ..
طيب ليش تردين عليهم ؟ خليهم ينادونك باسمك ولاتردين ولاتجيبين لأحد شي الا لما يحترمك ..
ما أقدر أخاف انهم يقولون اكثر من كذا .. والا حريم اخواني اللي كل ماوحده ولدت وانا بشنطتي جايتهم اطبب في هذه واداوي هذيك واذا خلصت نفاسها قالت : والله ابو فلان يقول بكرة بنروح ذاك المكان هديه قومتي بالسلامه .. طررررررررده ..طيب بنت الحلال اللي شغاله لك ولعيالك وش تسوي ؟ ليه ماتودونها معكم ؟( طبعا هذا كللله قالته في نفسها )ماتقدر تقوله والناس فيه لايحسبونها مقهورة انها مااااااا تزوجت
ويروح العمر وهي ليه وليه وليه .. داهمتها الأمراض النفسيه والعضويه واللي يشوفها يقول بال60 من عمرها .. لكنها ماحركت ساكن ..
....................................
(هذه قصه افتراضيه تعيشها الكثييييير والكثيييير من البنات في داخل غرفهن الخاصه دااااخل صدورهن )
قصص مؤلمه لكنها في نفس الوقت مالها احد يقدر يحلها غيرك انتي تدرين ليه ؟ لأنه محد يعاني كثرك انتي ..
الناس من حولك مابين شامت ومابين متشفي ومابين حاسد والقله هم الذين يريدون لك السعاده حقا ..
طيب قولي لنا الحل واخلصي علينا ..
الحل عندي بإذن الله : تعالي معي .. وفكري ما هي احتمالات ان الله تعالى يرزقك بواحد مثل الصفات اللي تبغينها فيه ؟( طبعا البنت هنا ماعاد تحلم بالرومانسي أو الحنون أو المخلص .. لا هي تبي ظل راجل ولا ظل حيطه ) .. فكري لو انك تزوجت من رجل غني لكنه بخيييييييييل ومايعطيك قد مايعطي نفسه .. حاولت تعدلين سلوكه لكنك ماقدرتي وش بتسوين ؟ طيب لو انك تزوجت رجل قذر لافي نفسه ولا في لسانه :09:وش بتسوين ؟ طيب لو انك تزوجت رجل مايجيب عيال وانتي نفسك في ولد تضمينه وتخمينه ؟ ( هنا صاحبتنا عاد بغت تموت لأنها تموت على العيال ) طيب لو انك تزوجت رجل اسعدك وكان بالمواصفات وعلى المقاييس لكن الناس حسدوك عليه وش بتسوين ؟
حبيبتي ثقي بالله تعالى انه ما اختار لك الا الصالح .. اذا دعيتي الله لاتدعين بالزواج بل ادعي ان الله يرزقك من حيث لاتحتسبين رزقا من عنده ليس فيه منه لأحد سواه جل وعلا ولا تسألين عن هذا الرزق أحد سواه
يمكن الله تعالى اشتاق لسماع صوتك .. يمكن ما أجله الله تعالى الا عشان يعوضك خيرا منه ..
اذا صبرت الله يعوضك خيرا مما تتوقعين ..
جنه عرضها كعرض السماوات والأرض أعدت للمتقين
بالله فيه أحسن من انك تصبرين على ما ابتلاك الله به ؟ وتنالين هذا الأجر؟
ثانيا : كون فلانه تعطف عليك أو تدعي لك أو أو أو .. انتي ماتدرين عن نواياهم الحقيقيه ..
بعضهم مايهنأ ولا يهدأ لها بال الا وهي تشوفك تعيسه تتقلبين بأوجاعك يمين وشمال ..
تشوف نظرات الحسره على وجهك ..
وهذا يعتبر لها قمه الإنتصار عليك :icon28:
خليك واثقه من نفسك .. خييييييير ان شاء الله انتي مو أول وحده ولا آخر وحده مو متزوجه ..
الله تعالى اختار لك الأفضل احمدي ربك انك ماطحتي في عمه سيئه أو سلفات سيئات ..كم وحده تتمنى انها تكون مكانك ؟ ..
يعني لو انك متزوجه ومتعذبه مع زوجك كان قلتي ليتني مت ولا تزوجت .. ليت الله قطع لساني قبل لا أوافق على الزواج .. أو انك مطلقه ونظرة المجتمع لك هي نفسها النظرة المتخلفه اللي ماتغيرت .. برضه كنت رايحه تقولين ليتني مت ولا انحرمت من عيالي المساكين ولا جلست عاله على أهلي ليته مات هالرمه وما تزوجته ..
طيب الى متى هذا التعذيب النفسي ؟
تأكدي دائما ان الله اختار لك الأفضل وكتبه لك
من قبل ان تخلق السماوات والأرض
حتى لاتفرحي بما آتاك الله ولا تحزني بما اصابك من مصاب ..
تكفين وانا اختك لاتضيعين اجر اللي صبرتيه من سنيييين على هذا الكلام ..
الحرمه اللي بتعذبك بهذا الكلام .. قولي لها انك مرتاحه كذا ..
وانك وراك مستقبل ماراح تضيعينه في مثل هذا الكلام ..
واذا أحد تعرض لك بكلمه لاتسكتين جاوبيه جواب محترم يعرفه قيمه نفسه ويظهر جوانبك الرائعه واحترامك لنفسك ..
لاتكوني هشه :44: من أي كلمه تذوبين ولا تكوني حساسه كثير لأنه في العرف اللي على راسه بطحه يحسس عليها ..حسسيهم انك غير مقصوده بهذا الكلام وردي بكل ثقه ..
لاتجعلي الإبتسامه :)تغادر وجهك الرائع لأنها تعتبر مرض لحسادك ما يقومون منه الا اذا راحت بسمتك ..
وبهذا أختم بأن الله يربط على قلب كل فتاه ويصبرها على ما أصابها ..
أسألكم بالله أن تدعوا لي ولوالدي ولأهلي .. واخص بالدعاء ابي واختي رحمهما الله ..
لا أحلل من ينسب هذا الموضوع لنفسه بل ينقله الى اي شخص ولكن مع ذكر المصدر ..
والحمد لله رب العالمين .
فور روز @for_roz
عضوة جديدة
يلزم عليك تسجيل الدخول أولًا لكتابة تعليق.
# ما خاب من رجاك #
•
مشكوره عالموضوع والله يرزق الجميع الرزق الحلال المبارك
الله يوفق كل البنات ويرزقهم ازواج صالحين ويسعدهم في هالصيفيه كلامك جميل وعندي إضافه ايضا
بقولك سالفه اعرف وحده شخصيه ورزه وذربه وسنعه بكل شي تحسينه من كلامها حرمه وام
عيال من نشامته وسناعته وموظفه لكن قلبها اسود حقود مع حريم اعمامها وبنات اعمامها تشوفينها لسانها ينقط عسل
ودك تبلعينها بس مسكينه ماتقدر تمثل على حريم اعمامها وبناتهم تمثل اول ساعتين اذا سيرت عليهم بعدين تعجز تكمل
وتبدا تقطط عليهم من الكلام الي مايعجبك وتنغز عرفو الناس انها تاخرت بالزواج وتعاني من حاله نفسيه صارت كلن تغارمنه
وبين عليها وهذا اكبر غلط ان الناس يعرفون نقطة ضعفك لانهم مو اغبياء
المفروض الوحده تصير سنعه ونشميه مع حريم اخوانك وحريم خوالك وحريم اعمامك وخليك بشوشه معاهم ومع الكل
ممكن نصيبك معاهم ممكن عيالهم او يجيبون عريسك عرفتي خليك حلوه مع الكل وانتبهو تعصبون قدام الناس بعزيمه
اوزواج او بأي مكان لان الناس يفسرونها ويفهمونها خليك لبقه وحبوبه واحسني الظن وخلي نيتك صافيه وحاولي انك
ماتكرهين احد لانه غصب يبان عليك وترى الناس اذا جو يخطبون يسألون الكل واذا علاقتك زفت معاهم قولي باي باي
للعريس اهم شي تبينين لهم انك ريلاكس تأخر زواجك ولا ماتأخر عادي اضحكي واستانسي ولا تبينين لهم انك ميته
على العرس واعرفي ان الناس تراقب تصرفاتك واذا دخلتي غرفتك لازم تشوفين علاقتك مع ربك تكثرين من الاستغفار
وقرآءة سورة البقره وتتصدقين بنية الزواج وتروحين مكه وتعتمرين وتدعين ربك وتبكين له وتشتكين له عن كل احزانك
لان الشكوى لناس مذله وتشربين ماء زمزم وتقرين على عمرك وتقرآين سوره الكهف يوم الجمعه وتدعين تتقربين لله
بصيام الاثنين والخميس وآيام البيض وتبشر بالخير ربي بيرزقها رزق من عنده
وجزاك الله خير ع الموضوع الرائع والحساس
بقولك سالفه اعرف وحده شخصيه ورزه وذربه وسنعه بكل شي تحسينه من كلامها حرمه وام
عيال من نشامته وسناعته وموظفه لكن قلبها اسود حقود مع حريم اعمامها وبنات اعمامها تشوفينها لسانها ينقط عسل
ودك تبلعينها بس مسكينه ماتقدر تمثل على حريم اعمامها وبناتهم تمثل اول ساعتين اذا سيرت عليهم بعدين تعجز تكمل
وتبدا تقطط عليهم من الكلام الي مايعجبك وتنغز عرفو الناس انها تاخرت بالزواج وتعاني من حاله نفسيه صارت كلن تغارمنه
وبين عليها وهذا اكبر غلط ان الناس يعرفون نقطة ضعفك لانهم مو اغبياء
المفروض الوحده تصير سنعه ونشميه مع حريم اخوانك وحريم خوالك وحريم اعمامك وخليك بشوشه معاهم ومع الكل
ممكن نصيبك معاهم ممكن عيالهم او يجيبون عريسك عرفتي خليك حلوه مع الكل وانتبهو تعصبون قدام الناس بعزيمه
اوزواج او بأي مكان لان الناس يفسرونها ويفهمونها خليك لبقه وحبوبه واحسني الظن وخلي نيتك صافيه وحاولي انك
ماتكرهين احد لانه غصب يبان عليك وترى الناس اذا جو يخطبون يسألون الكل واذا علاقتك زفت معاهم قولي باي باي
للعريس اهم شي تبينين لهم انك ريلاكس تأخر زواجك ولا ماتأخر عادي اضحكي واستانسي ولا تبينين لهم انك ميته
على العرس واعرفي ان الناس تراقب تصرفاتك واذا دخلتي غرفتك لازم تشوفين علاقتك مع ربك تكثرين من الاستغفار
وقرآءة سورة البقره وتتصدقين بنية الزواج وتروحين مكه وتعتمرين وتدعين ربك وتبكين له وتشتكين له عن كل احزانك
لان الشكوى لناس مذله وتشربين ماء زمزم وتقرين على عمرك وتقرآين سوره الكهف يوم الجمعه وتدعين تتقربين لله
بصيام الاثنين والخميس وآيام البيض وتبشر بالخير ربي بيرزقها رزق من عنده
وجزاك الله خير ع الموضوع الرائع والحساس
الصفحة الأخيرة