صاحبتي تسأل/الي حالتهم نص ونص وش الحل ؟؟؟؟؟

السلام عليكم
مشكلة صاحبتي حبيت اعرضها عليكم وتشورون عليها :)
حالتنا نص ونص يعني مايجي نص الشهر الا والراتب طاير :35:
زوجي موظف حكومي يعني لا تأمين ولا يحزنون وراتبه 4000 وعنده قسط واجار بيت ومايصفى لنا من هالمطالب الا 1000 وتخلص في مقاضي وفواتير و و و الخ
حملت لأأول مرة ...والولادة في مستشفى اهلي صعب جداً....الا اذا حدتنا الظروف لاسمح الله مع ان الوضع جداً راح يكون صعب وراح يكون علينا ديون وحالتنا حالة والخوف لو تعسرت الولادة وصارت قيصري او تعبت انا او البيبي وتضاعف المبلغ
ونفس الوقت ماعندنا واسطة حتى ندخل مستشفى حكومي
الي ابي اوصله هل المستشفيات الحكومية مثل مايتكلمون العالم انه ممكن بوقت ولادتي يردوني ولا يقبلني اي مستشفى وان الوضع صعب مرة ؟؟؟
واذا ممكن اني اولد فيه علموني كيف الله يخليكم لان ماعندي احد اسألة وهذي اول ولادة لي ولحالي بالرياض لا اهل ولا شي